ا ق ش قارجىلاندىراتىن «ازاتتىق» راديوسى جابىلۋى مۇمكىن

استانا. قازاقپارت - ا ق ش ۇكىمەتى قارجىلاندىراتىن «ازاتتىق» راديوسىنىڭ قازاق رەداكسياسىندا دۇربەلەڭ جاعداي قالىپتاستى. سەبەپ - كەلەسى بيۋدجەتتىك جىلدان باستاپ ا ق ش ۇكىمەتى «ازاتتىق» راديوسىنىڭ جەلىسىن («ازاتتىق - ازات ەۋروپا» ) قارجىلاندىرۋدى توقتاتادى.

 مۇنداي كەسىمدى پىكىردى ا ق ش پرەزيدەنتىنە ۇمىتكەر حيللاري كلينتون سايلاۋالدى ۇگىت- ناسيحات ناۋقانىندا ايتقان. ونىڭ ويىنشا، «ازاتتىق» راديوسى ءوزىنىڭ ميسسياسىن الدەقاشان اتقارىپ بولدى، ونىڭ قازىر امەريكان قوعامى ءۇشىن ماڭىزى جوق جانە ا ق ش بيۋدجەتىنە اۋىرتپالىق سالىپ وتىر. وسى ءسوزدى ەسىتكەن جانە ح. كلينتوننىڭ پرەزيدەنتتىك سايلاۋدا قارسىلاسىنان باسىم تۇسەتىنىن سەزىنە باستاعان «ازاتتىق» جۋرناليستەرى بۇدان كەيىنگى تاعدىرىنىڭ قالاي بولاتىنىن ۋايىمداپ الاڭداۋلى.

«ازاتتىق» راديوسىنىڭ جەلىسى الەم باتىس پەن شىعىس بولىپ ەكىگە بولىنگەن «قىرعيقاباق سوعىس» كەزىندە سوۆەت وداعى مەن «ۆارشاۆا كەلىسىمى» اسكەري وداعىنا كىرەتىن سوتسياليستىك ەلدەر لاگەرىنە (ەۋروپانىڭ شىعىسىنداعى ەلدەر) قارسى اقپاراتتىق ءارى يدەولوگيالىق سوققى بەرۋ ءۇشىن قۇرىلعانى بەلگىلى. سايكەسىنشە، سوتسياليستىك ونداعان ەلدىڭ (حالىقتىڭ) تىلىندە حابار تاراتاتىن ميۋنحەن قالاسىندا قۇرىلعان «ازاتتىق» راديوسىنىڭ جەلىسى ا ق ش ۇكىمەتىنىڭ حالىقارالىق راديوحابار تاراتۋ كوميتەتىنىڭ (CUSIB) قاداعالاۋىندا بولدى. «ۆارشاۆا كەلىسىمى» اسكەري وداعى، سوڭىنان سوۆەت وداعى ىدىراعان سوڭ «ازاتتىق» راديوسى جەلىسىنىڭ كەيبىر ەلدەرگە ارناپ قۇرىلعان رەداكسيالارى كەرەكسىز بولىپ قالدى. ولاردىڭ ىشىندە ەۋروپانىڭ شىعىسىنداعى ەلدەر مەن رەسەيدىڭ ىقپالىنان تۇبەگەيلى كەتكەن بالتىق جاعالاۋىنداعى رەسپۋبليكالار بار ەدى. ءبىراق، CUSIB سوۆەت وداعىن الماستىرۋ ماقساتىندا قۇرىلعان ت م د ەلدەرىنىڭ تىلىندە حابار تاراتۋىن جالعاستىرا بەردى.

 ينتەرنەتتىڭ دامۋىنا وراي «ازاتتىق» راديوسىنىڭ جەلىسى ءازىربايجان، قازاق، ۋكراين، ورىس، قىرعىز، وزبەك جانە ت. ب. تىلدەردە حابار تاراتاتىن سايت رەتىندە قايتا قۇرىلدى. قازىر «ازاتتىق» راديوسىنىڭ ەڭ ۇلكەن جەلىسى «كاۆكاز جانە ورتالىق ازيا» رەداكتسياسى بولىپ سانالادى. راديونىڭ ورتالىق ءوفيسى پراگا قالاسىندا ورنالاسقان، ءاربىر ەلدە رەداكتسيالار جەلىسى قۇرىلعان. مۇندا جۇزدەگەن جۋرناليست جۇمىس جاساپ جاتىر. «ازاتتىق» قازاقستان اقپارات كەڭىستىگىنە ەكى تىلدە - ورىس جانە قازاق تىلدەرىندە حابار تاراتادى.

كەزىندە كوممۋنيستىك يدەولوگياعا قارسى كۇرەس قۇرالى رەتىندە قۇرىلعان «ازاتتىق» راديوسى جەلىسىن جابۋ جونىندە سوۆەت وداعى قۇلاعاننان كەيىن- اق ماسەلە كوتەرىلگەن ەدى. ءتىپتى، بيلل كلينتون ءوزىنىڭ ەكىنشى پرەزيدەنتتىك مەرزىمىنىڭ باسىندا «ازاتتىقتى» جاۋىپ، اقش ۇكىمەتىنىڭ حالىقارالىق راديوحابار تاراتۋ كوميتەتىن (CUSIB) تاراتۋ جونىندە شەشىم شىعارعان. ءبىراق، ارتىنشا بۇل شەشىمىنىڭ كۇشى جويىلعان بولاتىن. ودان كەيىن دە CUSIB توڭىرەگىندە ءتۇرلى داۋ- داماي بولدى، «ازاتتىق» راديوسىنىڭ امەريكان قوعامىنا تۇككە قاجەتى جوق ەكەنى ايتىلدى. ەندى «ازاتتىقتى» جابۋ ماسەلەسىن ا ق ش پرەزيدەنتتىگىنەن ۇمىتكەر حيللاري كلينتون كوتەرىپ وتىر.

بەرىك مىڭجاسار

www.serke.org