جەتىسۋدىڭ كۇلشەلەرى قىتاي مەن رەسەيدە جوعارى سۇرانىسقا يە
«الماتى تاتتىلەرى» دەگەن اتاۋمەن شىعاتىن ونىمدەر بۇگىندە قازاقستاننىڭ بارلىق ايماقتارىنا جونەلتىلەدى. زاۋىت ديرەكتورى داۋرەنبەك تۇراروۆتىڭ ايتۋىنشا، سەرىكتەستىك ونىمدەرى رەسەي جانە قىتاي ەلىنە ەكسپورتتالۋدا.
«بيزنەستىڭ جول كارتاسى - 2020» باعدارلاماسى اياسىندا 47 ميلليون تەڭگە نەسيە الدىق. 14 پايىزبەن بەرىلگەن نەسيەنىڭ 10 پايىزىن مەملەكەت سۋبسيديالاۋدا. ال 4 پايىزىن سەرىكتەستىك تولەپ جاتىر. كاسىپكەرلەر ءۇشىن اتالعان باعدارلاما وتە ءتيىمدى، دەيدى داۋرەنبەك تۇراروۆ.
جالپى الماتى وبلىسىندا 2010 - جىلدان بەرى ءبىر عانا «بيزنەستىڭ جول كارتاسى - 2020» باعدارلاماسى اياسىندا 437 جوبا سۋبسيديالاندى. جالپى قۇنى 165 ميلليارد تەڭگەنى قۇرايدى. وسى ۋاقىت ارالىعىندا شاعىن جانە ورتا بيزنەستەن تۇسكەن سالىق كولەمى دە ارتا ءتۇستى. قازىناعا تۇسكەن سالىق 38 ميلليارد تەڭگەدەن اسادى.
