نۇرجان تولەنديەۆ: اسابانىڭ دا «قوسوباسى» بار

 استانا. قازاقپارات - تانىمال تەلەجۋرناليست، «حابار» ارناسىنىڭ پروديۋسەرى قىزمەتىن اتقارعان ارمان سقابىل ۇلى بەلگىلى اكتەر ءارى اسابا نۇرجان تولەنديەۆكە قاتىستى پىكىرىن ءبىلدىردى.

 ەستەرىڭىزدە بولسا، نۇرجان تولەنديەۆ ءوزىنىڭ اسابالىق قىزمەتىنە 600 مىڭ تەڭگەدەن اسا قارجى سۇراعانى ءۇشىن سىنعا قالعان بولاتىن. جۋرناليست ارمان سقابىل ۇلى تولەنديەۆتىڭ مۇنداي قارجى تالاپ ەتۋى مۇمكىن ەمەستىگىن ايتىپ، Facebook جەلىسىنە پوست جاريالادى.

NUR. KZ پورتالى اتالعان پوستتى سول كۇيىندە نازارلارىڭىزعا ۇسىنىپ وتىر.

«حاباردا» جۇرگەن كەز. نۇرجان باۋىرىم حابارلاستى. ءوزى بىزدە باعدارلاما جۇرگىزەدى، «الداراسپانى» ول دۇرىلدەپ تۇرعان.. .

- اعا!- دەيدى، - قازىر سىزگە بىرەۋلەر حابارلاسادى. مەنى «زاپيستە»، ستۋديادا دەڭىزشى!

- اۋ، باۋىرىم نە بولىپ قالدى؟

- مىناۋ توي دەگەنىڭىز شارشاتىپ جىبەردى. ءسال دەمالسام دەپ ەدىم.. .

ارينە، باۋىرىمنىڭ ءوتىنىشىن ورىندادىم. نۇرجاننىڭ ۋىتتى قالجىڭى بار، قالىڭ قوناقتى تىرپ ەتكىزبەيتىن مىقتى اسابا ەكەنىن بۇرىننان بىلەتىنمىن. مىنا زاماندا كىم جەتىسكەننەن اسابا بولىپ جاتىر دەيسىز! نەبىر مىقتىلارىمىز بالا - شاعا اسىراۋ ءۇشىن سونىڭ سوڭىندا كەتتى عوي! جا، اڭگىمە وندا ەمەس! سوڭعى كەزدەرى وسى تولەنديەۆتىڭ توڭىرەگىندە اڭگىمە كوپ ايتىلىپ كەتتى. «پالەن جەردە پالەندى لاقتىرىپتى، پالەننەن پالەن سوما سۇراپتى» دەگەندەي. مەن بىلەتىن نۇرجان مۇنداي ەمەس ەدى. بۇگىن ءوزىم تەلەفون شالدىم. باياعى ءىنىم! ەمەن - جارقىن!

- اعا، ءبىر عانا نارسە ايتايىن - تولەگەننىڭ بەكەجاندى كۇتەتىن «قوسوباسى» بار عوي؟ بۇل اڭگىمە دە سولاي! باسەكەلەستەردىڭ ارەكەتى عوي! اسابانىڭ دا «قوسوباسى» بار!

 ءتۇسىندىم. امان بول، ءىنىم!