ۆەنگريادا بوسقىندار بويىنشا رەفەرەندۋم ءوتىپ جاتىر
جالپىحالىقتىق داۋىس بەرۋگە قاتىسۋشىلار «پارلامەنتتىڭ كەلىسىمىنسىز ۆەنگرياعا ادام كوشىرۋ تۋرالى ەۋرووداقتىڭ شەشىم قابىلداۋىنا رۇقسات ەتەسىزدەر مە؟» دەگەن سۇراققا جاۋاپ بەرۋى ءتيىس.
وتكەن جىلى ەۋروكوميسسيا ەۋرووداقتىڭ بارلىق 28 ەلىنە يتاليا مەن گرەكياعا زاڭسىز كەلگەن بوسقىنداردى 160 مىڭنان ءبولىپ قابىلداۋ تۋرالى كۆوتا ەنگىزۋدى ۇسىندى. ءبىراق، كوپتەگەن ەلدەر بۇل باعدارلامانى ورىنداۋدان باس تارتتى. ۆەنگريادان بولەك، پولشا، چەحيا جانە سلوۆاكيا مىندەتتى كۆوتا جۇيەسىنە قارسى شىقتى.
ەگەر حالىقتىڭ %50 قاتىسسا، ۆەنگەرلىك رەفەرەندۋم ءوتتى دەپ سانالادى. الەۋمەتتىك ساۋالنامالارعا سۇيەنسەك، حالىقتىڭ %70 مىندەتتى كۆوتاعا قارسى داۋىس بەرۋگە دايىن.
پلەبيستسيتتىڭ ەشقانداي زاڭدىق كۇشى بولمايدى، الايدا بۋداپەشت ليسسابون شارتىنا كوشى- قوندى رەتتەيتىن ەرەجەلەردى الىپ تاستاۋ تۋرالى وزگەرىستەر ەنگىزۋدى تالاپ ەتۋى مۇمكىن.
