دەرماتولوگتار: بەزەۋ كوپ شىعاتىن ادامدار ۇزاق ءومىر سۇرەدى
لوندونداعى پاتشايىم كوللەدجىنىڭ دەرماتولوگتارى جۇرگىزگەن زەرتتەۋلەر ناتيجەسى وسىلاي دەيدى.
بەزەۋ، اسىرەسە، جاستارعا قولايسىزدىق تۋعىزادى. الايدا ونىڭ پايدالى جاقتارى انىقتالدى. قۇلاققا ءبىرقىزىق ەستىلۋى مۇمكىن. الايدا تەرىدەگى بەزەۋلەر - ۇزاق ءومىر مەن ەگدە جاستا ادەمى سىرت كەلبەتتىڭ كەپىلى بولا الادى. لوندون عالىمدارىنىڭ زەرتتەۋلەرى Investigative Dermatology جۋرنالىندا جاريالانعان.
ماماندار 1205 ەگىز- ايەلدەردىڭ تەرىلەرىن زەرتتەۋگە العان. ولاردىڭ تورتتەن ءبىر بولىگى بەزەۋگە شالدىققان. بەزەۋ كوپ شىعاتىن ايەلدەردىڭ حروموسومالارىنىڭ ۇشى ۇزىنداۋ بولىپ شىققان. ادامنىڭ جاسى ۇلعايعان سايىن ولار كىشىرەيە تۇسەدى ەكەن. ال ولار نەعۇرلىم ءتوزىمدى بولسا، سوعۇرلىم ادامنىڭ قارتايۋى تەجەلەدى. تاعى ءبىر قىزىعى، بەزەۋلى ادامداردا p53 گەنى از مولشەردە انىقتالعان. ول جاسۋشالاردىڭ ءولىمىن رەتتەيتىن اپوپتوزدى تۋدىرادى.
عالىمدار قارتايۋ پروتسەسىنە اسەر ەتۋ ءۇشىن ونى قانشالىقتى رەتتەۋگە بولاتىنىن انىقتاۋعا كىرىسىپ كەتتى.
Stan.kz
