اقتاۋ بالىعى مەن اقتوبە مايى استانالىقتاردىڭ جوعارى سۇرانىسىنا يە - فوتو

استانا. قازاقپارات - استانادا ماڭعىستاۋ جانە اقتوبە وبلىستارىنىڭ اۋىل شارۋاشىلىق جارمەڭكەسى وتۋدە.

ونداعى ازىق- تۇلىك تاۋارلارىنىڭ قۇنى نارىقتاعىدان 20 پايىزعا ارزان باعامەن ساتىلۋدا.

اقتوبەلىك تاۋاروندىرۋشىلەر ەلورداعا 400 توننا ءونىم اكەلىپ وتىر. ونىڭ ىشىندە 100 توننا ەت، 25 توننا بالىق، 100 توننا جەمىس، 24 توننا ءسۇت ونىمدەرى، 17 توننا وسىمدىك مايى بار.

ۇيىمداستىرۋشىلاردىڭ ايتۋىنا قاراعاندا، مۇنداعى تاۋارلاردىڭ باعاسى استانا نارىعىنداعى قالىپتى باعالاردان الدەقايدا تومەن.

ەگەر استانادا سيىر ەتىنىڭ كەلىسى ورتاشا ەسەپپەن 1250 تەڭگە بولسا، اقتوبەلىك ساتۋشىلار ونى 1000 تەڭگەدەن ساتىپ جاتىر. ءوز كەزەگىندە قوي ەتى سايكەسىنشە، 1200/950 تەڭگەدەن جىبەرىلۋدە. سونىمەن قاتار جىلقى ەتى كەلىسىنە 1400/1200 تەڭگە، تاۋىق ەتى - 669/600، ءسۇت ونىمدەرى - 200-280/180-240، جۇمىرتقا - 230/180، ءبىرىنشى سۇرىپ ۇن - 120/90 تەڭگەدەن.

اقتوبەدەن كەلگەن وسىمدىك مايىنا جۇرت ۇزىنسونار كەزەككە تۇردى. ونىڭ قۇنى كولەمىنە بايلانىستى 325 پەن 1035 تەڭگە ارالىعىندا ساتىلۋدا.

ءوز كەزەگىندە ماڭعىستاۋ وبلىسى اۋىل شارۋاشىلىعى باسقارماسىنىڭ باسشىسى بولات ەرسايىن ۇلى، ماڭعىستاۋ وبلىسىنىڭ وندىرۋشىلەرى اكەلگەن تاۋارلار ەلوردالىقتاردىڭ ۇلكەن سۇرانىسىنا يە بولىپ وتىرعاندىعىن اتاپ ءوتتى.

«ءبىز بەكىرە تۇقىمداس بالىق تۇرلەرىن اكەلىپ وتىرمىز. شامامەن 1 توننا بالىق جەتكىزىلدى. تىرىدەي جانە تۇزدالعان كۇيدە ساتامىز. استانالىقتار تاراپىنان ءبىزدىڭ ونىمدەر مەن تاۋارلارعا ۇلكەن سۇرانىس بار. كەفال اكەلگەن ەدىك، ءبىراق ونى جۇرت ءبىر مەزەتتە ساتىپ الىپ كەتتى. كونسەرۆىلەنگەن ونىمدەر دە بار. ول دا ءبىزدىڭ وتاندىق ءونىم»، - دەدى ول.

اۆتور: جاسۇلان جولدىبايەۆ