ەۆگەني كوچەتوۆ ورتالىق كوممۋنيكاتسيالار قىزمەتىنىڭ باسشىسى بولىپ تاعايىندالدى

 استانا. قازاقپارات - ق ر اقپارات جانە كوممۋنيكاتسيالار ءمينيسترى داۋرەن ابايەۆ «ورتالىق كوممۋنيكاتسيالار قىزمەتى» ر م ك- ءنىڭ ۇجىمىنا جاڭا باسشىسى - ەۆگەني كوچەتوۆتى تانىستىردى.

«بۇل ول ءۇشىن ۇلكەن سەنىم جانە ۇلكەن مۇمكىندىك. ول الدىنا قويىلعان مىندەتتەردى ءساتتى اتقارىپ شىعاتىنىنا سەنىمدىمىن. قازىر ورتالىق كوممۋنيكاتسيالار قىزمەتىنىڭ الدىندا ۇلكەن مىندەتتەر تۇر: بۇل قارىم- قاتىناستى ودان ءارى تەرەڭدەتۋ، جاڭا فورمات، ەۆگەنيدى جاقسى تانيتىندىقتان، ول بۇل مىندەتتى تولىق اتقارىپ شىعاتىنىنا سەنەمىن. مۇندا وتە مىقتى ۇجىم قالىپتاسقان. سوندىقتان بۇنى وتە جاقسى قولداپ وتىرۋ قاجەت»، - دەدى د. ابايەۆ.

كوچەتوۆ ەۆگەنيي دميترييەۆيچ 1988 - جىلى 22 - ساۋىردە دۇنيەگە كەلگەن. قازاق گۋمانيتارلىق- زاڭ ۋنيۆەرسيتەتىن قارجى ماماندىعى بويىنشا ءتامامداعان. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ ەكونوميكا ماگيسترى. «قازكونتەنت» ا ق- نىڭ «Kaztube» پورتالىنا باسشىلىق ەتكەن. «Kazakhstan real estate group» باسقارۋشى ديرەكتورى، «سەسنا» كورپوراتسياسى» ا ق ديەۆەلوپمەنت بولىمشەسىنىڭ جەتەكشىسى قىزمەتتەرىن اتقاردى.

اۆتور: جاسۇلان جولدىبايەۆ