تەراكتىگە بايلانىستى ساۋد ارابياسىنا قارسى العاشقى تالاپ ارىز بەرىلدى
تەرروريست- جانكەشتىلەردىڭ پەنتاگونعا شابۋىلى كەزىندە قازا تاپقان ا ق ش اسكەري- تەڭىز كۇشتەرىنىڭ وفيتسەرى پاتريك داننىڭ جەسىرى ساۋد ارابياسىنا تالاپ ارىز جازىپ، كۇيەۋىنىڭ ولىمىنە جانە جۇيكە جۇيەسىنىڭ بۇزىلۋىنا اكەپ سوققانى ءۇشىن كورولدىكتەن اقشالاي وتەماقى تالاپ ەتتى.
Bloomberg اگەنتتىگىنىڭ حابارلاۋىنشا، ا ق ش كونگرەسى پرەزيدەنت باراك وبامانىڭ 2001 - جىلى 11 - قىركۇيەكتە بولعان تەراكتىنى ۇيىمداستىرۋعا قاتىسى بولۋى مۇمكىن ەل رەتىندە ساۋد ارابياسىنا شاعىم جازۋعا تىيىم سالاتىن ۆەتوسىن تەرىسكە شىعاردى. سەناتتان كەيىن (جوعارى پالاتا) ۆەتونى وكىلدەر پالاتاسىنىڭ زاڭ شىعارۋشىلارى دا جوققا شىعاردى.
«9-11 زاڭى» نيۋ- يورك پەن ۆاشينگتونداعى تەرروريستىك شابۋىلدا قازا تاپقانداردىڭ وتباسىنا كىنالى تۇلعالاردى، ءتىپتى تۇتاس ەلدى سوتقا بەرۋگە مۇمكىندىك بەرەدى. العاشقى كەزەكتە ساۋد ارابياسى اتالىپ وتىر، سەبەبى 11 - قىركۇيەك كۇنى ءتورت امەريكالىق ۇشاقتى باسىپ العان ازاماتتاردىڭ باسىم كوپشىلىگىنىڭ وتانى وسى ەل بولعان.
