نازاربايەۆ ۋنيۆەرسيتەتىندە وقۋ اقىسى قانشا؟
«وسى جىلى ءبىز بارلىق باعدارلاما بويىنشا اقىلى وقۋدى ەنگىزدىك. مىسالى، دايىندىق باعدارلاماسى - 18375 دوللار. بىزدەگى اقىلى بولىمدە 14 ستۋدەنت وقىپ جاتىر. (...) باكالاۆريات باعدارلاماسى بويىنشا ءبىلىم بەرۋدىڭ ورتاشا باعاسى - 21 مىڭ دوللار. ال ماگيستر باعدارلامالارىنىڭ وقۋ اقىسى شامامەن 20 مىڭ دوللار. تەك بيزنەس جوعارى مەكتەبى 40 مىڭ دوللاردان اسادى»، - دەدى نازاربايەۆ ۋنيۆەرسيتەتىنىڭ پرەزيدەنتى شيگەو كاتسۋ.
وسىعان دەيىن مۇندا وقۋ تەگىن ەدى. ءبىلىم بەرۋ مەكەمەسىندەگىلەر جەڭىلدىگى بار جۇيەلەردى دە ۇسىنىپ وتىر.
2016-2017 وقۋ جىلىندا ۋنيۆەرسيتەتكە 4517 تالاپكەر تىركەلگەن: 3060 ۋنيۆەرسيتەت الدى دايىندىق (720-سى تىركەلگەن)، 223 جاس باكالاۆريات باعدارلاماسى (76 سى ءتۇسىپ، تاعى 627 ستۋدەنت دايىندىق مەكتەبىنەن كەيىن باكالاۆرياتقا ءتۇسىپ وتىر) جانە 124- ءى ماگيستراتۋرا باعدارلاماسى بويىنشا (409-ى تىركەلگەن).
نازاربايەۆ ۋنيۆەرسيتەتىنىڭ پرەزيدەنتى شيگەو كاتسۋ بيىلعى وقۋ جىلىنان باستاپ وقۋ ورنىنا ءتۇسۋدىڭ شارتتارى وزگەرگەنىن اتاپ ءوتتى. بيىل ماتەماتيكا بارلىق ستۋدەنتكە مىندەتتەلىپ وتىر، سونىمەن قاتار بىرنەشە مىندەتتى ءپان تاڭدالعان مەكتەپكە جانە ماماندىققا بايلانىستى: «فيزيكا»، «حيميا/بيولوگيا»، «ويلاۋ ماشىقتارى».
