بايان ەسەنتايەۆا ءوزىن سوققىعا جىققان كۇيەۋىنىڭ تەگىنەن اۋىسىپ كەتتى
ول ەسەنتايەۆا دەگەن تەگىنەن باس تارتىپ، ءوزىن بايان مۋحيتدەنوۆا دەپ جازدى.
ەستەرىڭىزگە سالا كەتەيىك، وسىعان دەيىن تانىمال جۇلدىز ءوزىنىڭ جان جارى باقىتبەك ەسەنتايەۆپەن ارادا بولعان جانجال تۋرالى ايتىپ بەرگەن بولاتىن. بايان ءوزىنىڭ كۇيەۋىمەن اجىراسىپ كەتكەندىگىن راستادى.
جاقىندا كۇندەردە بايان ءوزىنىڭ جازىلۋشىلارىن ءۇندىستاننان جولداعان سۋرەتتەرىمەن قۋانتتى. ول ءوزىنىڭ قۇربىلارىمەن بىرگە دەمالىپ، ءارى وسى ەلدە ەم الىپ ءجۇر. سونىمەن قاتار ول قازىر ىزدەنىس ۇستىندە جۇرگەندىگىن جاڭا وزگەرىستەردى كۇتەتىندىگىن ايتقان.
ايتا كەتەيىك، 10 - ماۋىسم كۇنى بايان ەسەنتايەۆانى اۋداندىق اۋرۋحاناعا جەتكىزىپ، وعان 3 ساعاتتىق وپەراتسيا جاسالدى. ناۋقاستىڭ جاعدايى ول كەزدە وتە اۋىر بولاتىن. ال، باياننىڭ كۇيەۋى باقىتبەك ەسەنتايەۆ تالعار اۋداندىق ىشكى ىستەر بولىمىنە جەتكىزىلدى.
اتالعان فاكتى نەگىزىندە ق ر قىلمىستىق كودەكسىنىڭ 106 «دەنساۋلىققا زاقىم كەلتىرۋ» بابى بويىنشا قىلمىستىق ءىس قوزعالىپ، سوتقا دەيىنگى تەرگەۋ امالدارى باستالدى.
باقىتبەك ەسەنتايەۆتىڭ ءىسى بويىنشا كەزەكتى سوت وتىرىسى 18-قازان كۇنى تالدىقورعان قالاسىندا وتەدى. پروتسەسس جابىق رەجيمدە ءوتىپ جاتىر. ەسەنتايەۆتاردىڭ قىزى ايساۋلە باقىتبەك سوتتا اكەسىن جاقتاماقشى. ءىستى القابيلەر القاسى قارايدى.
