مونعوليا جاستارى اتىراۋدا جوعارى ءبىلىم الماق
ەكىجاقتى كەزدەسۋ كەزىندە مونعوليالىق جاستاردى اتىراۋداعى مۇناي جانە گاز ينستيتۋتىندا وقىتۋ جايى ءسوز بولدى. ايماق باسشىسى قازىر اتىراۋدا كوپتەگەن شەتەلدىك جاستىڭ جوعارى ءبىلىم الىپ جاتقانىن، مونعوليا رەسپۋبليكاسىنداعى جاستاردى وقىتۋعا مۇمكىندىك مول ەكەنىن ايتتى.
سونىمەن قاتار، ەلشى اتىراۋدا جاڭادان اشىلعان ءجۇن وڭدەۋ جانە توقىما فابريكاسىندا بولعانىن، مونعوليا جەرىندە قوي ءجۇنىنىڭ دالادا شاشىلىپ جاتقانىن ايتىپ، شيكىزاتتى وسى كاسىپورىنعا اكەلىپ وتكىزۋگە نيەتتەرىنىڭ بار ەكەندىگىن جەتكىزدى.
تاراپتار ايتىلعان تاقىرىپتاردا تەرەڭ تالداۋ جاساپ، ءوزارا ەكونوميكالىق- مادەني بالانىستى جەتىلدىرۋگە ۋاعدالاستى.
ايتا كەتۋ كەرەك ايماق باسشىسى نۇرلان نوعايەۆ پەن مونعوليا رەسپۋبليكاسىنىڭ قازاقستانداعى ەلشىسى جاگير سۇحەە اراسىنداعى كەزدەسۋ «اتىراۋ ينۆەست 2016» حالىقارالىق فورۋمىنىڭ اياسىندا ءوتتى. فورۋم ناتيجەسىندە 9 مەموراندۋمعا قول قويىلىپ، 205 ميلليارد تەڭگەنىڭ كەلىسىم شارتتارى جاسالدى.
