ديەتاسىز ارىقتاۋدىڭ قاراپايىم قاعيدالارى
تاماق تانۋ تارتىبىنە قاتاڭ قاعيدا ەنگىزۋ - كوڭىل كۇيدى قۇرتاتىن بىردەن ءبىر ءادىس. ءاردايىم ءمۇسىنىڭىز ءبىرقالىپتى بولىپ، ارتىق سالماق ماسەلەسىمەن باس قاتىرعىڭىز كەلمەسە، قاراپايىم ەرەجەلەردى ساقتانىڭىز.
ارىقتاۋ كەزىندە كەرەكتى ناتيجەگە جەتۋ ءۇشىن دامدەۋىشتەر كومەگى كوپ. ءىمبىر، قىشا (گورچيتسا)، قىزىل بۇرىش، كۋركۋما، دارشىن (كوريتسا) ديەتاسىز ارىقتاۋعا جاردەمدەسەدى. بۇل پايدالى قوسپالار ماي قاباتتارىن ىدىراتىپ، قان قۇرامىنداعى قانتتى قالىپقا كەلتىرەدى، تابەتتى باسەڭدەتى.
ديەتا ۇستاماي ارىقتاعىسى كەلەتىندەردىڭ اجىراماس دوسى - كوكونىستەر. ونىڭ قۇرامىنداعى جاسۇنىق ارتىق سالماقتان ارىلۋعا سەپ بولادى. كوكونىستەر تۇتىنعاندا، اسىرەسە، جاسىل تۇسكە كوپ كوڭىل ءبولىڭىز. ساۋمالدىق (شپينات)، قيار، بالدىركوك (سەلدەرەي)، كوكشوپ، ورامجاپىراق قۇرامىندا مول بولاتىن كاليي اعزاداعى تۇز تەڭگەرىمىن رەتتەيدى.
ءبولىپ تاماقتانۋ. ديەتاسىز تەز ارىقتاۋ ءۇشىن كۇنىنە التى رەت تاماقتانعان دۇرىس. ءار ءۇش ساعات سايىن جۇرەك جالعاپ تۇرعان بارىنەن ارتىق شەشىم بولماق. ناتيجەسىندە اسقازان كىشىرەيىپ، زات الماسۋ پروتسەسى كۇشەيەدى. تەك جەر ازىعىڭىزدىڭ مولشەرى 400 گرامنان اسپاعانىن قاداعالاڭىز، ال جۇرەك جالعاۋ كەزىندە 200 گرامم تاعام تۇتىنساڭىز جەتىپ جاتىر.
كومىرسۋ مولشەرىنە كوڭىل ءبولۋ. پيروگ، تورت، فاستفۋد، قۋىرىلعان كارتوپ سەكىلدى تەز سالماق قوسۋعا سەپ بولاتىن ازىقتار داستارقانىڭىزدان اپتاسىنا ءبىر-اق رەت ورىن الۋىنا بولادى. ونى دا تەك تۇسكە دەيىنگى مەزگىلدە جەڭىز.
تاتتىلەردەن، گازدى سۋسىننان، تەز ازىرلەنەتىن استان باس تارتا المايتىن بولساڭىز، ونى قولداناردا وزىڭىزگە شارت قويىڭىز. سۋ ىشەسىز، جەڭىل سالات جەيسىز، بەلدە شەڭبەر اينالدىراسىز، كيىم سالاتىن سورەنى رەتكە كەلتىرەسىز نە بيلەيسىز. وسى شارتتى ورىنداعان سوڭ عانا اڭسارىڭىز اۋعان ازىقتى تۇتىنۋعا رۇقسات. مۇمكىن وسىلاردىڭ ءبارىن ورىنداپ بولعانشا، قۇمارىڭىز تاراپ كەتەر.
ديەتاسى ارىقتاۋدا ىنتالانۋ، جىگەرلەنۋ ماڭىزى زور. قۇلشىنا كىرىسسەڭىز تەز ءارى جەڭىل ارىقتايسىز. ول ءۇشىن قىزمەتتە كوتەرىلۋ، مىقتى دەنساۋلىق، جاڭا عاشىق سەكىلدى ىنتاڭىزدى جويماي، جوعارىلاتاتىن ماقسات تابىڭىز، تەك دۇرىسىن تاڭداڭىز.
