20:19, 30 - قىركۇيەك 2016 | GMT +5
كۇيزەلىس ادام اعزاسىنداعى جىلۋ بولەتىن ماي قاتپارىن قالىڭداتىپ جىبەرەدى
استانا. قازاقپارات - كۇيزەلىس كورتيزول دەڭگەيىن كوتەرىپ، جىلۋ بولەتىن ماي قاتپارىن قالىڭداتىپ جىبەرەدى، دەيدى بريتانيالىق عالىمدار.
عالىمدار بۇرىن جىلۋ بولەتىن ماي قاتپارى سابيلەردە، سوسىن سۇتقورەكتىلەردە عانا بولادى دەپ ساناعان. الايدا ول 2009 -جىلى ەرەسەكتەردەن دە تابىلدى. ەرەسەكتەردە جىلۋ بولەتىن ماي 50-100 گرام كولەمىندە بولادى.
ۇلى بريتانياداعى نوتتينگەم ۋنيۆەرسيتەتىنىڭ پروفەسسورى مايكل E سيموندس جانە ونىڭ ارىپتەستەرى كۇيزەلىس كەزىندە جىلۋ بولەتىن ماي قاتپارىندا قانداي وزگەرىس بولاتىنىن انىقتاۋعا بەل بايلادى. ءوز زەرتتەۋلەرىندە عالىمدار ەرىكتىلەرىنە ماتەماتيكا بويىنشا تەست تاپسىرۋدى ۇسىندى. عالىمدار سىلەكەيدەگى كورتيزول دەڭگەيىن بايقاپ كوردى. ولار ينفراقىزىل تەرموگرافيانىڭ كومەگىمەن جىلۋ بولەتىن ماي قاتپارىنىڭ بەلسەندىلىگىن ولشەدى.
وسىلايشا، زەرتتەۋگە قاتىسقانداردا كورتيزول دەڭگەيى ارتىپ، جىلۋ بولەتىن ماي قاتپارىن قالىڭداعانى بايقالدى.
