ادامنىڭ جۇرەگى ەرتە قارتايادى

نۇر- سۇلتان. قازاقپارات - جاس كەلە ادام اعزاسى دا قارتايا باستايدى. سەبەبى، ادام دا تابيعات دۇنيەسىندەگى باسقا تىرشىلىكتەر سياقتى قارتايۋ، ءولۋ كەزەڭىن باستان كەشىرەدى.

جاقىندا لوندون ۋنيۆەرسيتەتى كوللەدجىنىڭ قىزمەتكەرلەرى ارنايى زەرتتەۋ جۇرگىزىپ، ادام اعزاسىندا ەڭ ءبىرىنشى جۇرەكتىڭ قارتاياتىنىن مالىمدەدى.

كوللەدج قىزمەتكەرلەرى جارتى ميلليونعا جۋىق ادامعا تاجىريبە جۇرگىزگەن. زەرتتەۋلەردىڭ قورىتىندىسى بويىنشا ەڭ ءبىرىنشى ادام اعزاسىندا جۇرەك پەن مي ەرتە قارتايادى ەكەن.

- ادام دەنەسىندەگى اعزالار ءار قيلى قارتاياتىنىن بىرەۋ بىلسە، بىرەۋ بىلە بەرمەيدى. ەڭ ءبىرىنشى مي مەن جۇرەك قارتايادى. اسىرەسە جۇرەك ەرتە قارتايادى، - دەيدى زەرتتەۋشىلەر.

جۇرەكتىڭ ەرتە قارتايۋى - ادام اعزاسى ءۇشىن قاۋىپتى سانالادى. ودان كەلىپ جۇرەك- قان تامىرلارى اۋرۋلارى مازالاۋى مۇمكىن.

ايتا كەتەيىك، 2013 -جىلى اعىلشىن زەرتتەۋشىلەرى دەنە مۇشەلەرىنىڭ قارتايۋ كەزەڭى ادامنىڭ قارتايۋ كەزەڭىنەن بۇرىن وتە باستايتىندىعىن دالەلدەگەن ەدى. بارلىق دەنە مۇشەلەرىنىڭ ىشىندە ۇلكەن مي مەن وكپەنىڭ قارتايۋى ەڭ تەز، باۋىردىڭ قارتايۋى ءبىرشاما باياۋ بولادى دەپ جازعان بولاتىن. ال جۇرەك 40 جاستان باستاپ قارتايا باستايتىنىن ايتقان- دى.

massaget.kz