استانادا باسپانا ارزاندايدى

استانا. قازاقپارات - ەلىمىزدەگى داعدارىسقا قاراماستان، ەلوردادا قۇرىلىس قارقىنى باسەڭدەمەدى. قاڭتار- شىلدە ايلارى ارالىعىندا جالپى كولەمى 1,3 ميلليون شارشى مەتر پايدالانۋعا بەرىلگەن.

بۇل كورسەتكىش ەلىمىز بويىنشا پايدالانۋعا بەرىلگەن ۇيلەردىڭ %23  ىن قۇرايدى. ونىڭ باستى سەبەبى، ەلورداعا قونىس اۋدارۋشىلاردىڭ سانى جىل سايىن ۇلعايىپ كەلەدى. ۇلتتىق ەكونوميكا مينيسترلىگىنىڭ ستاتيستيكا كوميتەتىنىڭ حابارلاۋىنشا، جىل باسىنان بەرى ەلىمىزدە 5,7 ميلليون شارشى مەتر قولدانىسقا بەرىلگەن.

ال تۇرعىن ءۇيدىڭ باعاسىنا كەلسەك، ازىرگە وزگەرىسسىز. ساراپشىلاردىڭ پايىمىنا سۇيەنسەك، ءتىپتى جىلدىڭ سوڭىنا قاراي ەلوردادا ۇيلەردىڭ باعاسى كۇرت ارزاندايدى.

رەسمي مالىمەت بويىنشا استانادا 2015 -جىلدىڭ ماۋسىمى مەن 2016 -جىلدىڭ ماۋسىمى ارالىعىندا ءۇيدىڭ شارشى مەترى 288 مىڭ تەڭگەدەن 344 مىڭعا دەيىن كوتەرىلگەن. دەگەنمەن ءتۇرلى اكسيالار اياسىندا قۇرىلىس كومپانيالارى كوپتەگەن جەڭىلدىكتەر ۇيىمداستىرىپ، ساتىپ الۋشىلاردىڭ نازارىن اۋدارعان.

«استانا اقشامى»