بايان ەسەنتايەۆا: ءومىرىم ەكى كەزەڭگە ءبولىندى

 استانا. قازاقپارات - ءۇندىستاندا ەم الىپ جۇرگەن بايان ەسەنتايەۆا جان سىرىمەن، ىشكى ويىمەن ءبولىستى. «ءومىرىم ەكى كەزەڭگە ءبولىندى» دەپ نالىعان پروديۋسەر تەرەڭ ويدا ءجۇر.

«وتكەن ومىرىمدەگى ءوزىمدى ەسىمە تۇسىرگىم كەلەدى جانە جاڭا باياندى تابا الماي ءجۇرمىن. ءومىرىم دەيىن جانە كەيىن بولىپ ەكىگە قاق ايىرىلدى... ەندىگى بايان قانداي؟ ونى مەن بىلمەيمىن» ، - دەپ جازدى ول جەلىدەگى پاراقشاسىندا.

جەلى قولدانۋشىلارىنىڭ باسىم بولىگى ەسەنتايەۆاعا قولداۋ ءبىلدىرىپ، ىستىق ىقىلاستارى مەن جىلى لەبىزدەرىن ءبىلدىردى.

«ولىمنەن باسقانىڭ بارىنەن جول بار» ، «ءسىزدى قۇشاقتاپ، قاسىڭىزدامىن دەپ ايتقىم كەلەدى. قالاي كومەكتەسەرىمدى بىلمەيمىن» ، «ءبىز ءسىزدى جاقسى كورەمىز. ءسىز قازاق ونەرىنە ءالى كوپ قازىنا سالاسىز. جاقسى نارسەلەر ويلاڭىز. وتە مىقتى جانسىز» ، «ۋاقىت ءبارىن ەمدەيدى. اللا سابىر بەرسىن» ، «ءومىر تاماشا، بايان. ەڭسەڭىزدى تۇسىرمەڭىز. بالالار ءۇشىن بارىنە دە شىدايمىز» ، - دەيدى ولار.

ايتا كەتەيىك، پروديۋسەر تولىق مەديتسينالىق تەكسەرىستەن ءوتۋ ءۇشىن قۇربىلارىمەن بىرگە ءۇندىستانعا اتتانعان ەدى. ال بۇل ۋاقىتتا قاسكەلەڭدە سوت وتىرىسى بولۋى كەرەك ەدى. القا بيلەردىڭ تولىق جينالماۋىنىڭ كەسىرىنەن سوت وتىرىسى كەيىنگە شەگەرىلىپ، ارتىنان تالدىقورعانعا اۋىستىرىلدى.

Stan.kz