الماتى وبلىسىنىڭ اكىمى ۇزدىك جىل مۇعالىمىنە كولىك مىنگىزدى
ۇستازدار مەرەكەسىنە وراي وتكەن سالتاناتتى شارادا الماتى وبلىسىنىڭ اكىمى اماندىق باتالوۆ گۇلحان ەلۋباي قىزىنا جەڭىل اۆتوكولىكتىڭ كىلتىن تابىس ەتتى.
« قازاق ۇلتتىق پەداگوگيكالىق ۋنيۆەرسيتەتىنىڭ حيميا جانە بيولوگيا فاكۋلتەتىنىڭ مامانى بولىپ، بۇگىندە بويىمداعى ءبىلىمىمدى ۇيرەتىپ، وقىتىپ جاتقانىمدى ماقتان تۇتامىن. مەن وتە باقىتتى ۇستازبىن. ەڭبەك جولىمدى باستاپ، وسى سالادا جۇمىس ىستەپ كەلە جاتقانىما 14 جىل بولدى. ۇستازداردىڭ ءتول مەرەكەسى قۇتتى بولسىن! شىن جۇرەكتەن قۇتتىقتايمىن!»، - دەدى ءوز قۋانىشىمەن بولىسكەن گۇلحان ەلۋباي قىزى.
ۇلاعاتتى ۇستازداردىڭ مەرەيىن اسقاقتاتقان سالتاناتتى شارادا سونداي- اق « ۇزدىك بالاباقشا» قاراساي اۋدانى «بوتا» بالاباقشاسى، « ۇزدىك اۋىل مەكتەبى» - اقسۋ اۋدانى ق. ساتبايەۆ اتىنداعى ورتا مەكتەپ، « ۇزدىك كاسىپتىك ءبىلىم بەرۋ مەكەمەسى» - ەسىك گۋمانيتارلىق- ەكونوميكالىق كوللەدجى، « ۇزدىك سىنىپ جەتەكشىسى» - قاپشاعاي قالاسىنداعى №3 ورتا مەكتەپتىڭ ۇستازى جانسايا نارىمبايەۆا، « ورتا ءبىلىم بەرەتىن ۇزدىك ۇيىم» - قاپشاعاي قالاسىنىڭ ورتا مەكتەپ گيمنازياسى ۇزدىكتەردىڭ قاتارىنان تانىلىپ، اقشالاي سىيلىقتارعا يە بولدى.
شاراعا قاتىسقان الماتى وبلىسىنىڭ اكىمى اماندىق باتالوۆ بارشا مۇعالىمدەردى بۇگىنگى مەرەكەلەرىمەن قۇتتىقتاپ، ۇرپاق تاربيەلەۋ جولىنداعى ۇلاعاتقا تولى ەڭبەكتەرىنە جەمىس تىلەدى. « ۇستاز - قوعامداعى ەڭ قۇرمەتتى ماماندىقتىڭ ءبىرى. ويتكەنى، ۇستاز جۇرەگىنە بىلىمگە قۇشتارلىقتى، وتانعا سۇيىسپەنشىلىكتى ءۇيالاتادى. قازىرگى تاڭدا وبلىستا 2011 - جىلمەن سالىستىرعاندا ءبىلىم سالاسىنىڭ بيۋدجەتى 2 ەسەگە ۇلعايىپ، 148 ميلليارد تەڭگەنى قۇرادى. تاۋەلسىزدىك العاننان بەرى الماتى وبلىسىنىڭدا 174 جاڭا ءبىلىم بەرۋ مەكەمەسى سالىندى»، - دەدى ا. باتالوۆ.
سونداي اق شارا بارىسىندا «ى. التىنسارين» توسبەلگىسى ۇزدىك ءۇش ۇستاز ماريا گاليەۆا، پانار يمانعازيۆا جانە ەرمەك المابەكوۆكە تابىس ەتىلدى.
سامال قابىشيەۆا 
