02:27, 30 - قىركۇيەك 2016 | GMT +5
زاعيپ جانە كوزى ناشار كورەتىن ۆەلوسيپەدشىلەر الماتىدان استاناعا بەت الدى
قاراعاندى. قازاقپارات - قاراعاندىعا «قوس استانا» بىرەگەي ۆەلوجارىسىنىڭ قاتىسۋشىلارى كەلدى، دەپ حابارلادى وبلىستىق ءى ءى د باسپا ءسوز قىزمەتى.
«اكسيانىڭ ەرەكشەلىگى سول، «الماتى- استانا» باعىتىمەن زاعيپ جانە ناشار كورەتىن ۆەلوسيپەدشىلەر جۇرەدى. بۇل ادام مۇمكىندىكتەرىنىڭ شەكسىز ەكەنىن كەزەكتى رەت كورسەتىپ وتىر»، - دەدى مەكەمەنىڭ باسپا ءسوز قىزمەتى.
قاراعاندى وبلىسىنىڭ شەكاراسىندا ۆەلوجارىس قاتىسۋشىلارىن جەرگىلىكتى پوليتسيا قىزمەتىنىڭ قىزمەتكەرلەرى كۇتىپ الدى. پوليتسيا ۆەلوسيپەدشىلەردىڭ قاۋىپسىزدىگىن قامتاماسىز ەتىپ شىعارىپ سالادى.
«قوس استانا» بىرەگەي ۆەلوجارىسى الماتىنىڭ 1000 جىلدىعىنا ارنالعان. ون كۇندە قاتىسۋشىلار 1200 شاقىرىمدى باعىندىرۋى ءتيىس. زاعيپ جانە ناشار كورەتىن ۆەلوسيپەدشىلەر جانىندا جول باستاۋشى سپورتشى بار، ولار بىرگە ەرىپ كەلەدى.
