ساراپشىلار: الەم بويىنشا ۇشاقتا جانجال شىعارۋشىلار سانى ارتىپ كەلەدى
بۇل تۋرالى ۇيىمنىڭ باسپا ءسوز قىزمەتىنە سىلتەمە جاساپ Lenta.ru حابارلادى.
IATA اقپاراتىنا سايكەس، 2015 -جىلى الەم بويىنشا ۇشاقتاردىڭ بورتىندا بۇزاقىلاردىڭ قاتىسۋمەن 10,8 مىڭنان استام جانجال ورىن العان. 2014 -جىلى 9,3 مىڭنان استام جاعداي تىركەلگەن.
وقيعانىڭ باسىم بولىگى ءبىر- ءبىرىن بالاعاتتاۋعا، بورت جولسەرىكتەرىنىڭ زاڭدى تالاپتارىنا ورىنداۋدان باس تارتۋ، باسقا دا جاعدايلارمەن مىنەز كورسەتۋگە بايلانىستى ورىن العان. ونىڭ 11 پايىزى جولاۋشىعا نەمەسە ستيۋاردتارعا كۇش قولدانۋعا نەمەسە ۇشاققا شىعىن كەلتىرگەندەرگە قاتىستى بولىپ وتىر.
بۇل رەتتە ءتارتىپ بۇزۋ جاعدايلارىنىڭ تەك 23 پايىزى عانا ىشىمدىك نەمەسە ەسىرتكى تۇتىنۋمەن بايلانىستى بولىپ وتىر. وسىلايشا، بۇزاقىلاردىڭ باسىم بولىگىن ساۋ ادامدار قۇراپ وتىر.
قىركۇيەكتىڭ ورتاسىندا رەسەيلىك «پوبەدا» اۆياكومپانياسى ماسكەۋلىك ۆنۋكوۆو اۋەجايىندا ولاردىڭ قىزمەتكەرىن سوققىعا جىققاننان كەيىن بۇزاقى جولاۋشىلاردىڭ قارا ءتىزىمىن جاساۋدى جوسپارلاپ وتىرعاندارىن ايتقان.
تامىزدا بريتاندىق Jet2.com لوۋكوستەرى ماس بۇزاقىلارمەن كۇرەسۋ ماقساتىندا رەيستەرىندە ىشىمدىك ساتۋعا شەكتەۋ ەنگىزگەن. بۇدان باسقا شىلدەدە بىرىككەن كورولدىكتىڭ ءبىرقاتار اۆيوكومپانيالارى مەن اۋەجايلارى ىزاقور جولاۋشىلارعا جازانى قاتاڭداتاتىنىن حابارلاعان.
