ەلىمىزدە مەملەكەتتىك قىزمەتكەرلەردىڭ بەيرەسمي قاتىناسى قاتاڭ باقىلاۋعا الىنادى
دەپ حابارلادى ۆەدومستۆونىڭ باسپا ءسوز قىزمەتىنەن.
قايتا قۇرىلعان اگەنتتىك جۇمىسىنىڭ باسىم باعىتتارىنىڭ ءبىرى - جەمقورلىققا قارسى زاڭ بۇزۋشىلىقتىڭ الدىن الۋ جانە مەملەكەتتىك قىزمەتكەرلەردىڭ جەمقورلىققا دەگەن نولدىك توزىمدىلىگىن قامتاماسىز ەتۋ.
«اگەنتتىك ازاماتتاردىڭ مەملەكەتتىك قىزمەتكەرلەردىڭ ەتيكاعا قايشى ارەكەتتەرىنە قاتىستى ارىزدارىن ۇنەمى تىركەپ وتىرادى. ازاماتتار ءجيى مەملەكەتتىك قىزمەتكەرلەر اراسىنداعى بەيرەسمي كوڭىل ءبولۋى جايلى ايتادى. بۇل - سىيلىق جاساۋ، ءتۇرلى فورماتتاعى ويىن- ساۋىق شارالارىن ۇيىمداستىرۋ، قىزمەتتىك سۋبورديناتسيانى ساقتاماۋ»، - دەلىنگەن حابارلامادا.
ادەتتە، تەكسەرۋ جۇمىستارى كەزىندە وڭ ناتيجەگە قول جەتكىزۋ ءۇشىن لاۋازىمدى تۇلعالاردى كوڭىل كوتەرۋ مەكەمەلەرىنە اپارادى، باعالى سىيلىق سىيلايدى، سونىمەن قاتار پارا بەرەدى.
ماسەلەن، اگەنتتىك قاراعاندى وبلىسىندا تەكسەرۋ جۇمىستارىن جۇرگىزگەن قارجىلىق باقىلاۋ كوميتەتىنىڭ لاۋازىمدى تۇلعالارىنا «ەرەكشە كوڭىل ءبولۋ» فاكتىلەرىن انىقتادى. مۇنداي زاڭبۇزۋشىلىقتار وڭىرلىك مەكتەپتەردى تەكسەرگەن و ق و جانە اقتوبە وبلىستارى بويىنشا ءبىلىم بەرۋ سالاسىن باقىلاۋ دەپارتامەنتتەرىنىڭ لاۋازىمدى تۇلعالاردىڭ ارەكەتتەرىنەن بايقالدى. وسىعان ۇقساس جاعدايلار دەنساۋلىق ساقتاۋ جانە جەر قاتىناستارى سالالارىندا تىركەلدى.
سونىمەن قاتار، باسشىلاردىڭ تۋعان كۇنىن تويلاۋ ءۇشىن قىزمەتكەرلەردەن اقشا جيناۋ فاكتىلەرى كەزدەسەدى. بۇگىندە مۇنداي جاعدايلار ورتالىق جانە جەرگىلىكتى دەڭگەيدەگى مەملەكەتتىك اپپاراتتا كەزدەسەدى.
اگەنتتىك ازاماتتاردىڭ مۇنداي ءار ارىزى قاتاڭ باقىلاۋعا الىناتىنىنا ۋادە ەتتى جانە مەملەكەتتىك قىزمەتكەرلەردى ەتيكالىق نورمالار مەن جەمقورلىققا قارسى شەكتەۋلەردى ساقتاۋعا شاقىرادى.
