الماتىدا وليمپيادا چەمپيوندارى وقۋشىلارعا دەنە شىنىقتىرۋدان ساباق بەردى
جوباعا وليميادا چەمپيوندارى: يۋري مەلنيچەنكو، دميتري بالاندين، ەرماحان يبرايموۆ قاتىستى. ارنايى ۇيىمداستىرىلعان شارادا 12-14 جاستاعى وقۋشى جاڭا فيتنەس تەحنولوگياسى بويىنشا ازىرلەنگەن جاتتىعۋلاردى ورىندادى.
«فيزكۋلت- ۋرا» جوباسى استانادا ءساۋىر ايىندا جاقسى جۇزەگە استى. ايتا كەتۋ كەرەك، بۇل ءبىر رەتتىك اكتسيا ەمەس. وليمپيادا چەمپيوندارىنىڭ قاتىسۋىمەن وتەتىن ساباق جىل بويىنا ۇيىمداستىرىلادى. 28 -قىركۇيەكتەن باستاپ اتالعان جوبا الماتىدا باستالدى. بۇل جوبانى بۇكىل قازاقستاندا جۇزەگە اسىرماقپىز»، - دەيدى ۇيىمداستىرۋشىلار.
«بالالاردىڭ اراسىندا بولۋ قانداي جاقسى. وقۋ، جاتتىعۋ پروتسەسىنىڭ قانشالىقتى قيىن ەكەنىن مەن ەندى ءتۇسىنىپ جاتقان سياقتىمىن. بالالار كىشكەنتاي، ولاردىڭ كەيبىرىن 45 مينۋت بويى وزىڭە قاراتۋ وتە قيىن ەكەن. بۇگىن ءبىز وزىمىزگە جۇكتەلگەن مىندەتتى اتقارىپ شىقتىق. ءوزىمدى ءمۇعالىم رەتىندە سىناپ كورۋ مەن ءۇشىن باقىت»، - دەدى د. بالاندين.
ءبىر ساباق اياسىندا دميتري بالاندين، يۋري مەلنيچەنكو جانە فيتنەس- باپكەر ۆاليحان تەن بالالارعا جاتتىعۋ عانا جاساتىپ قويعان جوق، قىزىقتى ەستافەتا كورسەتتى.
بالالار جاتتىعۋدا ءجۇزۋ، گرەك- ريم كۇرەسى، بوكستىڭ ءىس- قيمىلدارىن ۇيرەندى.
