قاراعاندى وبلىسىنىڭ سوتتالعان بۇرىنعى اكىمى ابدىشەۆ مەملەكەتكە زيان كەلتىرگەن جوق

قاراعاندى. قازاقپارات - قاراعاندىدا قالالىق مادەنيەت، دەمالىس ساياباقتارى، سكۆەرلەرى باسقارماسىنىڭ سىبايلاس جەمقورلىق ءىسى بويىنشا سوتتالعان وبلىستىڭ بۇرىنعى اكىمى جانە ونىڭ ەكى سىبايلاسىنان شىعىننىڭ ورنىن تولتىرۋ تۋرالى ازاماتتىق تالاپارىزى ورىندالمادى، دەپ حابارلادى «قازاقپارات» ح ا ا ءتىلشىسى.

«قاراعاندى قالاسى قازىبەك ءبي اۋدانىنىڭ №2 -اۋداندىق سوتى قاراعاندى قالاسى مادەنيەت، دەمالىس ساياباقتارى، سكۆەرلەرى باسقارماسى» ك م ك- نىڭ 3636000 تەڭگە ءوندىرىپ الۋ تۋرالى ب. ت. ابدىشەۆكە، م. ە. ادامبەكوۆكە، ا. گ. جاكەنوۆكە تالاپارىزى بويىنشا ازاماتتىق ءىس قارالدى. تولىق كولەمدە تالاپارىز قاناعاتتاندىرۋدان باس تارتىلدى»، - دەپ حابارلادى اۋداندىق سوت باسپا ءسوز قىزمەتىنەن.

ءتوراعالىق ەتۋشى سۋديا جاۋاپكەردىڭ قولداۋحاتى بويىنشا تالقىلاۋ بارىسىندا سوت- تاۋارتانۋشىلىق ساراپتاما تاعايىندادى. «ساراپتاما ناتيجەسى بويىنشا مەملەكەتكە شىعىن كەلتىرىلگەنى بەلگىلەنگەن جوق»، - دەپ اتاپ ءوتتى اۋداندىق سوتتا.

ارىز بەرۋشىنىڭ نۇسقاسى بويىنشا، مەملەكەتكە «ەۋروستاندارتقاراعاندى» ج ش س جەتكىزۋشىلەرى اياقجول پليتاسىنا باعانى نەگىزسىز كوتەرۋ ارقىلى ماتەريالدىق شىعىن كەلتىرگەن. قىلمىستىق ىستە ب. ابدىشەۆكە قىرلى كەسپە تاستار وندىرەتىن زاۋىت وعان تيەسىلى بولعان دەگەن ايىپ تاعىلدى.

سوت شەشىمى زاڭدى كۇشىنە ەنگەن جوق. اپەللياتسيالىق ساتىدا شاعىمدانۋعا، نارازىلىق بىلدىرۋگە بولادى.

بۇدان بۇرىن حابارلانعانداي، سىبايلاس جەمقورلىق ءۇشىن سوتتالعان ب. ابدىشەۆ ماۋسىم باسىندا شارتتى مەرزىمگە بوساتىلعانى حابارلانعان. بۇل رەتتە سوت 1 جىل 4 اي 4 كۇن وتەلمەگەن مەرزىمىنە پروباتسيالىق باقىلاۋ بەلگىلەگەن.