اۋعا شىرمالعان ءۇش كيتتىڭ بىرەۋى عانا قۇتقارىلدى

استانا. قازاقپارات - الەمدە سيرەك كەزدەسەتىندەردىڭ قاتارىنداعى سولتۇستىكتە مەكەندەيتىن ءۇش كيت بالىق اۋلاۋ جابدىقتارىنا ورالىپ قالعان.

 مۇحيتتار مەن اتموسفەرانى زەرتتەۋ بويىنشا ا ق ش ۇلتتىق باسقارماسىنان حابارلاعانداي، ەكى جانۋار ءولدى، بىرەۋىن ماماندار قۇتقارىپ قالدى.

 ۆەدومستۆو قىزمەتكەرلەرى جابدىقتار قاي كومپانياعا تيەسىلى ەكەنىن انىقتاۋ ءۇشىن ولگەن كيتتەردى زەرتتەپ جاتىر. سالماقتارى شامامەن 45 توننا. باسقارما قىزمەتكەرلەرى ونىڭ يەلەرى بالىق اۋلاۋ ەرەجەلەرىن بۇزۋى مۇمكىن دەپ بولجاپ وتىر.

 زەرتتەۋشىلەردىڭ مالىمەتىنشە، كيتتىڭ بۇل تۇرلەرى 100 مىڭنان 1992 - جىلى شامامەن 300 گە دەيىن قىسقارعان. قازىر بۇل سۇتقورەكتىلەردى اۋلاۋعا تىيىم سالىندى. Frontiers in Marine Science جۋرنالىندا جاريالانعان زەرتتەۋ ناتيجەلەرىنە سايكەس 2010 - جىلعا قاراي اتالعان كيتتەردىڭ تارالىمى 500-گە دەيىن عانا ءوستى.

بۇل جانۋارلاردىڭ سالماعى 100 تونناعا، ۇزىندىعى 18 مەترگە دەيىن جەتۋى مۇمكىن، دەپ حابارلايدى ت ا س س.