قاسىم- جومارت توقايەۆ: ۇزىناعاشتاعى قىلمىس - قاسىرەت

استانا. قازاقپارات - الماتى وبلىسى ۇزىناعاش اۋدانىنداعى وقيعاعا بايلانىستى ق ر سەناتىنىڭ سپيكەرى قاسىم- جومارت توقايەۆ ءوزىنىڭ پىكىرىن تۆيتتەردەگى جازباسىندا ءبىلدىردى.

«الماتى وبلىسىنداعى ءۇش اعايىندى جىگىت مال ءۇشىن ءولتىرىلدى. 9 بالا جەتىم قالدى. بۇل قاسىرەت. ىشكى ىستەر مينيستىرلىگى مۇقيات تەرگەۋ جاساپ، كىنالىلەردىڭ ءبارىن جازاعا تارتاتىنىنا سەنەمىن»، - دەپ جازدى سپيكەر تۆيتتەردەگى پاراقشاسىندا.

 ەسكە سالا كەتەيىك، الماتى وبلىسىندا مال ساتۋعا كەلگەن اعايىندى 3 ازامات ءىزىم- قايىم جوعالىپ، ارتىنشا ولاردىڭ ءولى دەنەلەرى تابىلعان بولاتىن. قازىر 3 ازاماتتى ءولتىردى دەگەن كۇدىكپەن 2 ادام ۇستالدى. الايدا، مارقۇمنىڭ تۋىستارى اتپالداي ءۇش ازاماتتى 2 قىلمىسكەر ءولتىردى دەگەنگە سەنبەيدى.

سونىمەن قاتار، ق ر پرەمەر- ءمينيسترى باقىتجان ساعىنتايەۆ ىشكى ىستەر مينيسترىنە تەرگەۋ بارىسىن تىكەلەي باقىلاۋعا الۋدى تاپسىرعان بولاتىن. «قوعامدىق قاۋىپسىزدىك جانە قىلمىسپەن كۇرەس بۇل ماڭىزدى مىندەت. ءبىز مۇنى ۇكىمەتتىڭ جەكە وتىرىسىندا تالقىلايمىز»، - دەپ اتاپ ءوتتى باقىتجان ساعىنتايەۆ.