پەرۋدە سيقىرشىلىق جاساعان ايەلدى ورتەپ جىبەردى
باستاپقى دەرەككە سەنسەك، ۇندىستەر 73 جاستاعى روزا ۆيليار حاريونيكانى ادامدارعا دۋا جاسادى دەپ ايىپتال، ونى ورتەپ ءولتىرۋ جونىندە شەشىم قابىلدانعان.
ۇكىم شىعارۋعا 40 ادام قاتىسسا سونىڭ كوپشىلىگى ءولىم جازاسىن قۇپتاعان. ۇكىمدى جەرگىلىكتى كوسەم قولداپ، ول تۋرالى قاۋىمنىڭ جۋرنالىنا جازبا جاسالعان.
ءوڭىردىڭ پروكۋرورى پۋەرتو- بەرمۋدەس ۋگو ماۋريسيونىڭ ايتۋىنشا، وقيعا ەلدىڭ ورتالىق بولىگىندەگى امازونكا القابىنداعى جىنىس ورماندا ءومىر سۇرەتىن شيرينگاماتۋ التو (Shiringamazu Alto) قاۋىمىندا بولعان. حاريونيكانىڭ قول- اياعى بايلاپ، ۇستىنە قۋراعان ءشوپ پەن اعاش ءۇيىپ، سوسىن بەنزين قۇيىپ ورتەپ جىبەرگەن. جازا ورىندالعان ءساتتى ۇيالى تەلەفونعا دا ءتۇسىرىپ العان.
ايعاقتىڭ كوزىن جويۋ ءۇشىن قاۋىم ءمايىتتى ءۇش كۇن ورتەگەن. الايدا سول جەرگە كەلگەن پوليسيا مارقۇمنىڭ بىرنەشە سۇيەگىن تاۋىپ الدى.
