بايان ەسەنتايەۆا ءبىر فيلمدە ەكى ەركەكپەن سۇيىسكەن كامشات جولدىبايەۆانى جاقتاپ شىقتى
بۇل تۋرالى ول جەلىدەگى پاراقشاسىندا ايتتى. پروديۋسەر كەز كەلگەن ماسەلەگە "ۇيات" ءسوزىن قوساتىن قازاق مەنتاليتەتىن سىناپ تاستادى. ونىڭ ايتۋىنشا، ەر ادام مەن ايەل ادام اراسىندا ماحاببات بولاتىنىن بالالاردان جاسىرۋدىڭ قاجەتى جوق.
"قيالمەن ءومىر ءسۇرىپ، اقيقاتتى ايتپاي، جاسىرۋ.. . قازاق بالالارى دۇنيەگە وزدەرى كەلە سالا ما؟ ءبىر اي بويى فرانتسيادا بولدىم، باستاپقىدا ونداعى ادامداردىڭ ءبىر- بىرىنە سۇيەتىندىكتەرىن اشىق ايتىپ، سونداي سۇيىسپەنشىلىكپەن قولدارىنان ۇستاپ، كوزدەرىنە ماحابباتپەن قارايتىنىنا تاڭ قالاتىنمىن. ءبىزدىڭ مەنتاليتەتتى جاقسى تۇسىنەمىن. ونى نەگىزى "ۇيات" دەپ اتاۋ كەرەك"، - دەپ جازدى ول.
سونىمەن بىرگە، ول كەز كەلگەن جەرگە "ۇياتتى" تىقپالاماي، بالالارعا ماحاببات تۋرالى اشىعىن ايتۋ كەرەكتىگىن دە اڭعارتتى.
"ءبىز ءبىر- ءبىرىمىزدىڭ قولىمىزدان ۇستاپ، جاقسى كورۋدەن قىسىلامىز. ءسۇيىسۋ تۋرالى ايتپاي- اق قويايىق. بارلىعى "ۇيات" پەن "جاسقانشاقتىقتان" قۇرىلعان. ءبىز ەركەكپەن جاتپايمىز، بالكىم ءبارى بولەك- بولەك جاتاتىن بولۋى كەرەك. ال بالالار بولسا وزدەرى دۇنيەگە كەلەدى. بىزگە جاقسى كورۋگە بولمايدى. ءبىزدىڭ حيكايانى مۇقيات قاراپ وتىرعان مۇنداي سىنشىلار مەنىڭ دۇنيەتانىمىم مەن كوزقاراسىما اسەر ەتكىسى كەلەدى"، - دەگەن ول بۇدان ءارى "وگەي جۇرەك" فيلمىنىڭ وزەكتىلىگىنە توقتالدى.
"ال ءبىز بولساق، قوعامداعى ەڭ وزەكتى تاقىرىپتى قوزعاپ وتىرمىز. بالالار ۇيىنە بارىپ كورىڭىزدەر، تاستاندى بالالاردىڭ 99 پايىزى قازاق بالالارى. بىلەسىزدەر مە، نەگە ەكەنىن؟ سەبەبى، ءبىز ماحاببات مادەنيەتىن بىلمەيمىز. سەبەبى، ۇيات. مىنە، بارلىعىن وسىدان باستاۋ كەرەك. بالالار ماحابباتتان تۋىلۋى كەرەك، ءبىز بۇل تۋرالى ايتۋىمىز كەرەك. ەڭ الدىمەن ءوز بالالارىمىزعا مۇنى ۇيرەتۋىمىز كەرەك. تۋرا ايتپاساق تا. ءبىراق، جوق. ءبىز ۇيالامىز، ۇيات. ءبىز بالالارىمىزعا ولاردى شانادان تاۋىپ العانىمىزدى ايتامىز. ال ون مىڭداپ سانالاتىن تاستاندى بالالار ماسەلەسىن ۇمىتا سالايىق"، - دەپ جازدى ول.
ەستەرىڭىزگە سالساق، جۋىردا عانا تەلەديدار ەكرانىنان كورسەتىلە باستاعان "وگەي جۇرەك" تەلەحيكاياسىنا قاتىستى سىن ايتىلعان بولاتىن. ناقتىراق ايتساق، فيلمدە باستى ءرولدى سومدايتىن كامشات جولدىبايەۆانىڭ ەكى ەركەكپەن سۇيىسكەنى جەلى قولدانۋشىلارىنىڭ اشۋىنا تيگەن. ولار اكتريسانىڭ فيلمدەگى قىلىعىن "ەرسى" ءارى "قازاق قىزدارىنا جات" دەپ اتاعان.
