گرۋزيادا دەپۋتاتتىققا ۇمىتكەرلەر ءبىر- ءبىرىن سابادى

استانا. قازاقپارات - گرۋزيادا دەپۋتاتتىققا ۇمىتكەر ەكى كانديدات «يبەريا» تەلەكومپانياسىنىڭ تىكەلەي ەفيرىندە توبەلەسىپ قالدى.

 بۇل تۋرالى Рanorama.am حابارلادى. سۇحبات بارىسىندا ساياساتكەرلەردىڭ پىكىرلەرى كەلىسپەي قالعان. الدىمەن ولار داۋىس كوتەرە سويلەسە باستادى، كەيىن سۋ قۇيىلعان ستاقانداردى لاقتىرىپ، ءبىر- ءبىرىن ساباي جونەلدى. باعدارلاما جۇرگىزۋشىسى ولاردى اجىراتۋعا تىرىسقانىمەن، ونىسىنان تۇك شىقپاي، ناتيجەسىندە ەفيردى توقتاتۋعا ءماجبۇر بولدى.

 گرۋزيادا پارلامەنتتىك سايلاۋ 8 - قازانعا بەلگىلەنگەن.