اۋعاندىق گەرويننىڭ نەگىزگى بولىگى رەسەيگە قازاقستان ارقىلى كەلەدى
«اۋعانستاننان كەلەتىن ەسىرتكىلەر ەڭ ۇلكەن قاۋىپ تۋدىرادى. ەسىرتكىلىك زاتتارى اۋعانستاننان تىكە رەسەيگە كەلمەيدى. ولار اۋعانستاننان تاجىكستانعا جەتكىزىلەدى، ول جاقتان قىرعىزستان مەن قازاقستان ارقىلى رەسەيگە وتەدى. اۋعاندىق گەرويننىڭ نەگىزگى بولىگى قازاقستان ارقىلى كەلەدى»، - دەپ اتاپ ءوتتى حراپوۆ.
سونىمەن بىرگە، رەسەي اۋماعىنا كەلەتىن بارلىق سينتەتيكالىق ەسىرتكىلەر قىتايدان كەلەدى.
«رەسەي اۋماعىنا كەلەتىن سينتەتيكالىق ەسىرتكىلەردىڭ %90 قىتايدان جەتكىزىلەدى»، - دەدى حراپوۆ.
ول ەسىرتكىمەن كۇرەس ماقساتىندا رەسەي ءى ءى م ەسىرتكى اينالىمىن باقىلاۋ باس باسقارماسىنىڭ تاياۋ شەتەلدەردەگى ارىپتەستەرىمەن ىنتىماقتاستىق ورناتقانىن حابارلادى.
«قازىرگى ۋاقىتتا ءبىز قازاقستاندىق جانە تاجىكستاندىق ارىپتەستەرمەن ءوزارا تىعىز قارىم- قاتىناس ورناتتىق. قىرعىزستانمەن ىنتىماقتاستىق ءوز جەمىسىن بەرۋدە. ءبىز ولارمەن بىرىگىپ، 30 كەلى گەروين تاركىلەدىك»، - دەدى حراپوۆ.
