قازاقستاندا ءجيى ۇرلاناتىن كولىكتىڭ ەكى ماركاسى انىقتالدى
بۇل تۋرالى «قازاقپاراتقا» ق ر ءى ءى م مەملەكەتتىك ءتىل جانە اقپارات دەپارتامەنتىنەن حابارلاندى.
«2016 -جىلدىڭ 8 ايىندا قازاقستاننىڭ رەسپۋبليكاسىنىڭ ىشكى ىستەر ورگاندارىندا 574 كولىك ۇرلىعى تىركەلىپ، ونىڭ 61 ى سوتقا جولداندى. ال 99 فاكتى بويىنشا كەلتىرىلگەن شىعىن تولىعىمەن وتەلدى»، - دەيدى مينيسترلىك وكىلدەرى.
ۆەدومستۆو مالىمەتىنشە، سوڭعى كەزدە ۇرىلار اۆتوكولىككە كىرۋدىڭ جاڭا ادىستەرىن تاۋىپ جاتىر. وسى رەتتە كومپيۋتەرلىك تەحنولوگيالاردىڭ مۇمكىندىكتەرى قولدانىلۋدا. بۇرىن تەرەزەنى سىندىرۋ جانە اۆتوكولىك ەسىگىن سايكەس كىلتتەرمەن اشۋ ادىستەرى كوپ كەزدەسەتىن ەدى.
«اۆتوكولىكتەردى ۇرلاۋ وقيعالارىنا جۇرگىزىلگەن تالداۋعا سۇيەنسەك، جىل باسىنان بەرى رەسەي ءوندىرىسىنىڭ «ۆاز»، سونىمەن قاتار جاپوندىق «تويوتا» ماركالى اۆتوكولىكتەر ءجيى ۇرلانعان»، - دەپ اتاپ وتىلگەن ۆەدومستۆو مالىمەتىندە.
