الماتى وبلىسىندا كىسى قولىنان جاۋىزدىقپەن قازا بولعان ازاماتتار جەرلەندى
بۇگىن، 27 - قىركۇيەكتە مارقۇمداردى اقتىق ساپارعا شىعارىپ سالۋعا مۇقىرى اۋىلدىق وكرۋگىنىڭ تۇرعىندارى عانا ەمەس، باسقا قالالاردان دا ادامدار كەلدى. مۇندا ەكى اعايىندى جەرلەندى، ال تاعى بىرەۋى اينابۇلاق ستانسياسىنداعى اۋىلدا جەرلەندى.
جەرلەۋ راسىمىنە «نۇر وتان» پارتياسىنىڭ وبلىستىق فيليالىنىڭ ءبىرىنشى ورىنباسارى عالياسقار سارىبايەۆ، الماتى وبلىسى اكىمدىگىنىڭ ىشكى ساياسات باسقارماسىنىڭ باسشىسى رۋستام الپىسبايەۆ، كوكسۋ اۋدانىنىڭ اكىمى الماس ءادىل، وبلىستىق ارداگەرلەر كەڭەسىنىڭ مۇشەلەرى كەلدى. ادام كوپ جينالدى. بۇل جەرگە پوليسەيلەر مەن جەدەل جاردەم بريگاداسى دا كەلگەن. اۋىر قازانى كوتەرە الماعان مارقۇمداردىڭ تۋىستارىنا تىنىشتاندىرۋعا ءدارى- دارمەك بەرىلدى.
ەسكە سالايىق، تالدىقورعان قالاسىنا جاقىن ماڭداعى كوكسۋ اۋدانىنىڭ 3 تۇرعىنى الماتى جاقتاعى ۇزىناعاش بازارىندا مال ساتامىز دەپ ءىز- ءتۇسسىز جوعالىپ كەتكەن بولاتىن.
كەيىنىرەك ولاردىڭ ءولى تابىلعانى حابارلانعان ەدى. ۆەدومستۆوداعىلاردىڭ ايتۋىنشا، مارقۇمداردىڭ دەنەسىندە زورلىق بەلگىلەر بار. پوليتسەيلەر كىسى ءولتىردى دەگەن كۇدىكتىلەردى ۇستاپتى. ولار جامبىل اۋدانىنىڭ ەكى تۇرعىنى. قازىرگى ۋاقىتتا ق ر قىلمىستىق كودەكسىنىڭ 99-بابى («ادام ءولتىرۋ») بويىنشا سوت الدى تەرگەۋ باستالىپتى. كۇدىكتىلەر ۋاقىتشا ۇستاۋ يزولياتورىنا قامالدى.
Kaz.tengrinews.kz
