بايان ەسەنتايەۆا «ارمانداعان جىگىتىنە» قول جەتكىزدى
«ارمانداعان جىگىتىمدى كەزىكتىردىم»، - دەپ جازادى ب. ەسەنتايەۆا Instagram جەلىسىندە جاريالانعان فوتولاردىڭ بىرىندە.
ءوز كەزەگىندە ونەر يەسىن ءسۇيىپ وقيتىن وقىرماندار بۇل قالجىڭعا قۋانىپ قالدى. سەبەبى بايان ماقسات قىزى كۇيەۋىمەن بولعان وقيعادان كەيىن العاش رەت كوڭىلدى كورىندى.
ەسكە سالايىق، ب. ەسەنتايەۆا قازىرگى ۋاقىتتا دوستارىمەن بىرگە ءۇندىستاندا ەمدەلىپ جاتىر.
«دارىگەردەن دارىگەر قويماي قارالىپ ءجۇرمىن، بۇگىنگى مەنىڭ جاعدايىم وسى. قازىر ءۇندىستان استاناسىندامىز. دەنساۋلىعىما ءالى دە كۇتىم كەرەك. دەليدە تولىق تەكسەرىلۋدەن وتەم دەپ شەشتىم. نەگە؟ 3,5 جارىم ساعات تىكەلەي رەيسپەن ۇشىپ كەلدىم، بارلىعىن قوسقاندا check-up 550 $ . سالىستىرمالى تۇردە ايتقاندا بىلتىر، كورەيادا 5 ەسە ارتىق تولەگەنمىن. دارىگەرلەر - ا ق ش پەن بريتانيادا ءبىلىم الىپ، جۇمىس ىستەگەن بىلىكتى ماماندار»، دەپ جازدى ول ءوز پاراقشاسىندا.
ەسكە سالساق، 10 - ماۋسىمدا ب. ەسەنتايەۆا مي جاراقاتى، مۇرىن سىنۋ، پىشاق جاراقاتتارىمەن تالعار اۋرۋحاناسىنا جەتكىزىلگەن. كەيىن انىقتالعانداي، ونى جۇبايى باقىتبەك ەسەنتايەۆ جانجال بارىسىندا جاراقاتتاعانى انىقتالدى. ول تالعار اۋداندىق ىشكى ىستەر بولىمىنە جەتكىزىلدى، كەيىننەن قاماۋعا الىندى.
2016 -جىلى 14 - قىركۇيەكتە باقىتبەك ەسەنتايەۆقا قاتىستى العاشقى سوت وتىرىسى ءوتتى. وعان بايان ەسەنتايەۆانىڭ ءوزى كەلمەدى. ەسەسىنە ونىڭ قىزى ايساۋلە باقىتبەك قاتىستى.
تانىمال تەلەجۇرگىزۋشى جانە پروديۋسەر بايان ەسەنتايەۆا قازاقستاندىق جۋرناليست دينارا ءساتجانعا بەرگەن سۇحباتىندا وسى وقيعادان كەيىن تۇرمىستىق زومبىلىقتان زارداپ شەككەن ايەلدەردىڭ قۇقىعىن قورعاۋ ۇيىمىن قۇرۋدى جوسپارلاپ وتىرعاندىعىن ءمالىم ەتكەن بولاتىن.
اۆتور: جاسۇلان جولدىبايەۆ
