پاتريك اللوتەي: قازاقستانعا قاناتتىڭ بەلبەۋىن الۋعا بارا جاتىرمىن

استانا. قازاقپارات - قانات يسلامنىڭ قارسىلاسى گانالىق پاتريك اللوتەي جەرگىلىكتى تىلشىلەرگە بەرگەن سۇقباتىندا، قازاقستانعا تەك بەلبەۋ الۋ ءۇشىن باراتىنىن ايتتى.

ول ءوز سوزىندە: قازىر كۇنىنە 2 رەت جاتتىعۋ جاساپ ءجۇرمىن. قاناتتان قورىقپايمىن. ول نەبارى 21 كەزدەسۋ وتكىزگەن. مەن ودان قاراعاندا تاجىريبەلىمىن. كاسىپقوي بوكستا 36 جەكپە- جەك وتكىزگەنمىن. ونىڭ 34 دى جەڭىس. ول ماعان قۇرمەتپەن قاراۋ كەرەك. قاناتتىڭ رينگتە جىبەرگەن قاتەلىگىن مەن نوكاۋتقا اينالدىرامىن. بۇل جەكپە- جەك ماعان ۇلكەن مۇمكىندىك. باستى ماقساتىم، جەڭىسكە جەتىپ، ەكى بەلبەۋگە يە بولۋ. 29 - قازاندا گانالىقتاردى قۋانتامىن! بۇل جەكپە- جەككە تولىعىمەن دايىنمىن» - دەيدى.

وتانداسىمىز قانات يسلام بۇل جەكپە- جەككە جاتتىقتىرۋشىسى نەلسون لوپەسپەن بىرگە قازىر الماتىداعى AIBA بوكس اكادەمياسىندا دايىندالىپ جاتىر. بوكس كەشىندە قانات يسلام WBA Fedelatin چەمپيوندىق بەلبەۋىن قورعاپ، WBO intercontinental تۇجىرىمىنىڭ چەمپيوندىق بەلبەۋى ءۇشىن جۇدىرىقتاسادى.

ايتا كەتەيىك، جەكپە- جەك الماتى قالاسىنداعى 12 مىڭ ورىندىق «ALMATY ARENA» سپورت كەشەنىندە وتەدى. بوكس كەشىندە جانىبەك ءالىمحان ۇلى، جانقوش تۇراروۆ، رۋسلان مىرساتايەۆ، ءالي احمەتوۆ، ايدار شارىبايەۆ، ايدوس ەربوسىن ۇلى شارشى الاڭعا شىعادى. بيلەتتەر 3 - قازاننان باستاپ ساتىلىمعا شىعادى.

 oishogyr.kz