قۋاندىق بيشىمبايەۆ: «نۇرلى جەر» باعدارلاماسى جۇرتشىلىقپەن تالقىلانعاننان كەيىن ۇكىمەت باسشىسى قاراۋىنا ەنگىزىلەدى
«مەملەكەت باسشىسىنىڭ تاپسىرماسىن ىسكە اسىرۋ ءۇشىن مينيسترلىك «نۇرلى جەر» دەپ اتالاتىن تۇرعىن ءۇي قۇرىلىسى باعدارلاماسىن ازىرلەۋ جۇمىستارىن جۇرگىزىپ جاتىر. باعدارلامانىڭ تۇجىرىمداماسى تۇرعىن ءۇي قۇرىلىسىن تىكەلەي قارجىلاندىرۋدىڭ ورنىنا يپوتەكالىق كرەديت بەرۋدى دامىتۋعا كوشۋ جانە جەكە قۇرىلىس سالۋشىلاردى ىنتالاندىرۋ بولىپ تابىلادى»، - دەدى ول.
بۇل رەتتە مينيستر جاسالىپ جاتقان جاڭا باعدارلامالاردىڭ نەگىزگى مىندەتتەرىن اتادى. ياعني، باعدارلامادا پايىزدىق مولشەرلەمەلەردى سۋبسيديالاۋ جولىمەن ەكىنشى دەڭگەيدەگى بانكتەردىڭ قولجەتىمدى يپوتەكالىق قارىزدار بەرۋى ارقىلى سۇرانىستى ىنتالاندىرۋ، تۇرعىن ءۇي سالۋ ءۇشىن قۇرىلىس سالۋشىلارعا قولجەتىمدى قارىزدار بەرۋ ارقىلى ۇسىنىستى ىنتالاندىرۋ، تۇرعىن ءۇي جيناق بانكىنىڭ سالىمشىلارى ءۇشىن «جاڭعىرتپالى» قاعيدات بويىنشا كرەديتتىك تۇرعىن ءۇي سالۋ جانە جالعا بەرىلەتىن تۇرعىن ءۇيدىڭ وڭىرلىك قورىن قۇرۋ، مەملەكەتتىڭ ينجەنەرلىك كوممۋنيكاتسيا ينفراقۇرىلىمىن جۇرگىزۋى جانە جەر ۋچاسكەلەرىن بەرۋى، ينجەنەرلىك ينفراقۇرىلىمعا جۇمسالعان شىعىنداردى وتەۋى ارقىلى جەكە تۇرعىن ءۇي قۇرىلىسىن دامىتۋ كوزدەلەدى.
«بۇگىنگى كۇنى مينيسترلىك اتالعان باعدارلاما جوباسىن مۇددەلى مەملەكەتتىك ورگاندارمەن، ۇلتتىق كاسىپكەرلىك پلاتاسىمەن، قارجى ينستيتۋتتارىمەن جانە اكىمدىكتەرمەن قىزۋ تالقىلاۋ ۇستىندە. سونىمەن قاتار، ونى جۇرتشىلىقپەن كەڭىنەن تالقىلاۋ دا جوسپارلانىپ وتىر. ولاردىڭ پىكىرلەرىن ەسكەرە وتىرىپ باعدارلامانىڭ جوباسى ءسىزدىڭ قاراۋىڭىزعا ەنگىزىلەتىن بولادى»، - دەدى ق. بيشىمبايەۆ ۇكىمەت باسشىسى ب. ساعىنتايەۆقا قاراتا.
اۆتور: مارلان جيەمباي
