پاۆلودار اۋدانىندا جەكە كاسىپكەر ەشكى ءسۇتىن قايتا وڭدەيتىن سەح اشپاق
كاسىپكەردىڭ سوزىنشە، ءبىر ەشكى كۇنىنە 7 ليترگە دەيىن ءسۇت بەرەدى. ەشكى سۇتىنەن ماي، قۇرت جانە ىرىمشىك ىستەۋگە بولادى. كاسىپكەر ءىسىن باستاماس بۇرىن الدىمەن ارنايى سەرتيفيكات الۋدى جوسپارلاپ وتىر. سودان كەيىن بارىپ، ءونىمدى جەرگىلىكتى نارىققا شىعارماقشى.
ول بۇعان دەيىن كوپ جىل دەنساۋلىق ساقتاۋ سالاسىندا مەدبيكە بولىپ جۇمىس ىستەگەن. كەيىننەن بيزنەس سالاسىنا بەت بۇرعان ول ەندى ەشكىنىڭ سۇتىمەن سابيلەر ءۇيىن قامتاماسىز ەتپەك. سەبەبى، بالالاردىڭ دەنساۋلىعى ءۇشىن پايدالى ءارى دارۋمەنگە باي تاعامدار قاجەت.
- ەشكى سۇتىندە كوپتەگەن اۋرۋلارعا شيپا بەرەتىن ەرەكشە ءبىر قاسيەت بار. اسىرەسە، تۋبەركۋلەزگە قارسى قولدانۋعا بولادى. كاسىبىمدى جانداندىرۋ ءۇشىن «بيزنەستىڭ جول كارتاسى - 2020» مەملەكەتتىك باعدارلاماسى ارقىلى تومەن پايىزبەن نەسيە الۋ ويىمدا بار، - دەيدى جەكە كاسىپكەر.
كاسىپكەردىڭ سوزىنشە، بۇگىندە اتالمىش مەملەكەتتىك باعدارلاما اياسىندا پاۆلودار اۋدانىندا تۇرعىندار ءوندىرىس جانە قىزمەت كورسەتۋ ورىندارىن اشۋدى باستاعان. ماسەلەن، كراسنوارمەيكا اۋىلدىق وكرۋگىندە كاسىپكەر مەيرامحانا اشۋدى جوسپارلاعان بولسا، گريگوريەۆكا اۋىلىنىڭ تۇرعىنى گاز- بەتون جانە جولعا ارنالعان پليتالار شىعارۋدى باستاپ كەتتى.
