جەلىدە ۇزىناعاشتا قازا تاپقان قادىلبەك ءالىمحان ۇلى ورىنداعان ءان جاريالاندى - كەسكىن
ەسكە سالا كەتەيىك، وتكەن جەكسەنبى، ياعني 18 - قىركۇيەك كۇنى، ۇزىناعاش بازارىندا مال ساتۋمەن اينالىسقان ءۇش جىگىتتىڭ جوعالىپ كەتكەندىگى حابارلانعان.
1979 - جىلى تۋعان دولدان ۇلى جارقىنبەك، 1973 -جىلعى زارلىحان ۇلى مۇقيات پەن ءالىمحان قادىلبەك ەسىمدى جىگىتتەر قىلمىسكەرلەر قولىنان قازا تاپتى.
قازاعا ۇشىراعان ازاماتتاردىڭ جاقىندارى بۇگىن سوت ساراپتامالىق ورتالىعىنان ءۇش ءمايىتتى الماتى وبلىسى كوكسۋ اۋدانىنا الىپ كەتتى.
24 - قىركۇيەكتە الماتى وبلىستىق ىشكى ىستەر دەپارتامەنتىنىڭ باسپا ءسوز قىزمەتى ءىز- ءتۇزسىز جوعالعان ءۇش اعايىندىنىڭ ولىمىنە قاتىستى كۇدىكتىلەر ۇستالعانىن حابارلادى.
«وبلىستىق ءى ءى د باسشىسىنىڭ ءبىرىنشى ورىنباسارى پودپولكوۆنيك نۇرلان ءماسىموۆ باسشىلىق ەتكەن ىزدەۋ شارالارىنا اۋداندىق جانە ايماقتىق پوليتسەيلەر دە جۇمىلدىرىلدى. جوعالعانداردى ءولتىردى دەگەن كۇدىكپەن جامبىل اۋدانىنىڭ ەكى ازاماتى ۇستالدى. جابىرلەنۋشىلەردىڭ دەنەلەرى تابىلدى. ق ر ق ك 99-بابى، 2- ءبولىمى بويىنشا (كىسى ءولتىرۋ) قىلمىستىق ءىس قوزعالدى»، - دەلىنگەن باسپا ءسوز قىزمەتىنىڭ حابارىندا.
كىسى ءولتىرۋ فاكتىسى بويىنشا تەرگەۋ جۇمىستارى الماتى وبلىستىق ىشكى ىستەر دەپارتامەنتى باسشىلىعىنىڭ قاتاڭ باقىلاۋىنا الىنعان.
(سۋرەت «قامشى» سايتىنان الىندى)
