08:27, 27 - قىركۇيەك 2016 | GMT +5
ق ر پرەمەرى سينگاپۋر پارلامەنتىنىڭ مۇشەسىمەن قارجىلىق قىزمەت كورسەتۋ سالاسىنداعى ىنتىماقتاستىقتى تالقىلادى
استانا. قازاقپارات - 26 - قىركۇيەك كۇنى ۇكىمەت ۇيىندە ق ر پرەمەر- ءمينيسترى باقىتجان ساعىنتايەۆ سينگاپۋر پارلامەنتىنىڭ مۇشەسى، قۇرمەتتى اعا مينيستر گو چوك تونگپەن كەزدەستى.
بۇل تۋرالى primeminister.kz سايتىندا حابارلاندى.
تاراپتار قازاقستان مەن سينگاپۋر اراسىنداعى ەكونوميكالىق جانە ينۆەستيتسيالىق ىنتىماقتاستىقتى جانداندىرۋ، ءوزارا ساۋدا- ساتتىق كولەمىن ارتتىرۋ ءۇشىن جاعدايلار تۋدىرۋ قاجەتتىگىن اتاپ ءوتتى.
كەلىسسوزدەر بارىسىندا ۇلتتىق ءال- اۋقات قورلارى جانە دامۋ ينستيتۋتتارى بويىنشا جوعارى تەحنولوگيالار سالاسىندا ارىپتەستىك ورناتۋدىڭ پەرسپەكتيۆالارى ناقتىلاندى.
