اباي ەسكەرتكىشىنىڭ اۆتورى «شاڭحاي رۋحى» كومپوزيتسياسىن جاسادى

استانا. قازاقپارات - بۇگىن شاڭحاي ىنتىماقتاستىق ۇيىمى حاتشىلىعىندا «شاڭحاي رۋحى» اتتى ءمۇسىن كومپوزيتسياسىنىڭ سالتاناتتى اشىلۋ ءراسىمى بولدى.

 ونىڭ اۆتورى ايگىلى سۋرەتشى، ءمۇسىنشى جانە قوعام قايراتكەرى، بەيجىڭدەگى «سزينتاي» مۋزەيىنىڭ ديرەكتورى يۋان سيكۋن.

 ول 2014 -جىلدىڭ 19- ناۋرىزى كۇنى قىتاي استاناسىنىڭ ورتالىعىنداعى «چاويان» پاركىندە بوي كوتەرگەن قازاقتىڭ ۇلى ويشىلى، اقىنى اباي قۇنانبايەۆتىڭ ءمۇسىنىن جاساعان.

 «15 جىل بۇرىن ءبىزدىڭ ۇيىمىمىزدىڭ نەگىزىن قالاۋشى كوشباسشىلار الەمدىك قوعامداستىققا «شاڭحاي رۋحى» نەگىزىندە مەملەكەتارالىق قاتىناستاردىڭ جاڭا ۇلگىسىن ۇسىنعان بولاتىن.

ول ۇلگى ءوزارا سەنىم مەن تيىمدىلىك، تەڭ قۇقىلىق پەن ءوزارا اقىل- كەڭەس، مادەنيەتتەردىڭ سان الۋاندىعىن قولداۋ، بىرلەسىپ دامۋعا دەگەن ۇمتىلىس سياقتى ماسەلەلەردى قامتيدى. بۇل كوپ پوليارلى ءادىل الەم ورناتۋ باعىتىنداعى شىن مانىندەگى جاڭاشىل قادام بولاتىن»، - دەدى «شاڭحاي رۋحى» كومپوزيتسياسىنىڭ سالتاناتتى اشىلۋ راسىمىندە ش ى ۇ باس حاتشىسى راشيد اليموۆ.