سەكسەن جىل بويى جەكە باسىن انىقتايتىن قۇجاتسىز ءومىر سۇرگەن ايەل
ول وبلىس جانە اۋدان اكىمدىكتەرىنە، ادىلەت باسقارماسىنىڭ بولىمدەرىنە جۇگىنگەندە، وزىنە قاتىستى تۋۋ تۋرالى جازبا جوق ەكەندىگى جايىندا جاۋاپ العان. اقىرى ونىڭ قىزى اقجايىق اۋدانىنىڭ پروكۋراتۋراسىنا اناسىنىڭ جەكە باسىن انىقتايتىن قۇجات الۋعا جانە زەينەتاقى راسىمدەۋگە كومەك كورسەتۋ تۋرالى وتىنىشپەن جۇگىنگەن بولاتىن.
اۋدان پروكۋراتۋراسىنىڭ قىزمەتكەرلەرى وسىعان بايلانىستى ءبىرقاتار جۇمىس اتقاردى. 1930 -جىلدان باستاپ مۇراعاتتىق قۇجاتتار زەردەلەنىپ، س. -نىڭ بولجامدى جاسىن انىقتاۋ ءۇشىن مەديتسينالىق كلينيكالىق تەكسەرۋ جۇرگىزىلىپ، اۋدانداعى العاباس اۋىلدىق وكرۋگى اقساقالدارىنىڭ قاتىسۋىمەن جينالىس وتكىزىلىپ، وندا قاجەتتى كۋالاردىڭ جاۋاپتارى جازىلىپ، س. -نىڭ تۋۋ تۋرالى دەرەگى بويىنشا تاعى دا باسقا ءىس- شارالار وتكىزىلدى.
- اۋدان پروكۋراتۋراسى اقجايىق اۋداندىق سوتىنا س. -نىڭ تۋۋ تۋرالى زاڭدىق ماڭىزى بار دەرەگىن انىقتاۋ ءۇشىن تالاپ ارىز بەردى. وتكەن 20 -قىركۇيەكتە اۋدان پروكۋرورىنىڭ تالابى قاناعاتتاندىرىلدى، اتاپ ايتقاندا س. 1936 -جىلعى 16 -ناۋرىزدا دۇنيەگە كەلگەنى تۋرالى زاڭدىق دەرەگى انىقتالدى. اقجايىق اۋداندىق سوتىنىڭ شەشىمى كۇشىنە ەنگەننەن كەيىن ول تۋۋ تۋرالى كۋالىگىن، جەكە كۋالىگىن الا الادى جانە جاسىنا بايلانىستى زەينەتاقى راسىمدەي الادى، - دەدى اقجايىق اۋداندىق پروكۋراتۋراسىنىڭ پروكۋرورى اناستاسيا سەميليدي.
www.zhaikpress.kz
