ماسساگەت پورتالىنداعى «كۇز تۋرالى كۇزسىز سويلەمدەر» اتتى ەسسەلەر بايقاۋىنا قاتىسىڭىز
وسى ورايدا ماسساگەت پورتالى ءوز وقىرماندارىنا ارناپ «كۇز تۋرالى كۇزسىز سويلەمدەر» اتتى ەسسەلەر بايقاۋىن جاريالايدى.
بايقاۋدىڭ نەگىزگى شارتى مىناداي:
1) بايقاۋعا 15-22 جاس ارالىعىنداعى جاستار قاتىسا الادى؛
2) ەسسە مەيلىنشە 10 سويلەمنەن اسپاۋى ءتيىس؛
3) جازباڭىزدا كۇزگە قاتىستى كەي سوزدەر مۇلدە بولماۋى قاجەت. ناقتىراق ايتقاندا، كۇزدىڭ نەمەسە وسى مەزگىلدەگى جان دۇنيەڭىزدىڭ كورىنىسىن «كۇز»، «جاپىراق»، «سارى» سوزدەرىن قولدانباي، ىقشامدى، مازمۇندى، جيناقى تۇردە جازعانىڭىز ءجون؛
جەڭىمپازداردى انىقتاۋ بارىسىندا ەسسەنىڭ مۇزمۇن ەرەكشەلىگىنە، اۆتوردىڭ ويىنا، ستيلدىك جاڭاشىلدىقتارىنا، سويلەم قۇرىلىمىنا ءمان بەرىلەدى. مۇنداي بايقاۋ قالامدى سەرىك ەتكەن وقىرماندارىمىز ءۇشىن قىزىقتى بولادى دەپ ويلايمىز. كۇزدىڭ اسەم بەينەسىن ەرەكشە تەڭەۋلەرمەن، تىڭ تىركەستەرمەن، ايشىقتى تىلمەن اسەرلى سۋرەتتەيدى دەگەن ۇمىتتەمىز. ەندەشە ىسكە ءسات، قادىرلى وقىرماندار!
ەسكەرتۋ:
ۇزدىك شىعارمالار Massaget.kz سايتىنىڭ پروزا بولىمىندە جاريالانىپ وتىرادى (قازىلار القاسى ۇزدىك دەپ تاپقان شىعارمالار عانا جاريالانادى) .
ەڭ كوپ كورىلىم جيناپ، پىكىر جازىلعان جانە قازىلار تاراپىنان ۇزدىك دەپ تانىلعان شىعارما اۆتورلارىنا باعالى سىيلىقتار مەن ارنايى سەرتيفيكاتتار تابىستالادى.
جەڭىمپازداردى ماسساگەت پورتالىنىڭ تىلشىلەرى انىقتايدى. بايقاۋعا قاتىساتىن شىعارمالار 26 -قىركۇيەكتەن 26 -قازانعا دەيىن قابىلدانادى.
ەسسەلەرىڭىزدى massaget.kz@gmail.com پوشتاسىنا جىبەرە الاسىزدار نەمەسە 87781061251 نومىرىنە حابارلاسساڭىزدار بولادى.
بايقاۋ جەڭىمپازدارى 31 -قازان كۇنى انىقتالادى.
