قازاق فيلم قىتايلىق كينوكومپانيامەن كەلىسىمگە قول قويدى

الماتى. قازاقپارات - «جىبەك جولى» قىتايلىق حالىقارالىق كينوفەستيۆالى اياسىندا شاكەن ايمانوۆ اتىنداعى «قازاق فيلم» اق مەن «باتىس قىتاي كينوسى» كورپوراتسياسى اراسىندا سەرىكتەستىك جونىندەگى مەموراندۋمعا قول قويىلدى، دەپ حابارلادى «قازاق فيلم» ا ق باسپا ءسوز قىزمەتىنەن.

تاراپتار ەكى ەلدىڭ مادەني، ەكونوميكالىق جانە قوعامدىق بايلانىسىنا سەپتەسىپ، مادەني تۇرعىدا تاجىريبە الماسىپ، كينو يندۋسترياسىنداعى ەكى جاقتى جەتىستىكتەرگە تالپىنادى.

«بۇل وتاندىق كينەماتوگرافيا ءۇشىن ماڭىزدى قۇبىلىس. اتالعان مەموراندۋم قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى دوستىق پەن ىنتىماقتاستىقتى نىعايتۋ جانە ەكى مەملەكەتتە كينو ءوندىرىسىن دامىتۋ باعىتىنداعى ماڭىزدى قادام»، - دەدى كينوستۋديانىڭ ۆيتسە- پرەزيدەنتى سەرىك جۇباندىقوۆ.

كەزدەسۋدە بىرلەسىپ كينو ءتۇسىرۋ سالاسىنداعى ىنتىماقتاستىق ماسەلەسى تالقىلاندى.

ەسكە سالا كەتەيىك، 1958 -جىلى «باتىس قىتاي كينوسى» كينوكومپانياسىنىڭ نەگىزى قالاندى. ول قىتايداعى 4 ءىرى مەملەكەتتىك كومپانيالاردىڭ ءبىرى. كورپوراتسيا حالىقارالىق كينوفەستيۆالدەردە تانىمال. قىتايلىق كينوستۋديادا 1000 نان استام كوركەم فيلم ءتۇسىرىلدى، ولار 70 تەن استام حالىقارالىق سىيلىققا يە بولدى.