ۇزىناعاشتا ءۇش جىگىتتى ولتىرگەن كۇدىكتىلەردىڭ ەسىمى بەلگىلى بولدى - كەسكىن
1979 -جىلى تۋعان دولدان ۇلى جارقىنبەك، 1973 -جىلعى زارلىحان ۇلى مۇقيات پەن ءالىمحان قادىلبەك ەسىمدى جىگىتتەردىڭ قىلمىسكەرلەر قولىنان قازا تاپقانى جايلى حابارلاعان بولاتىنبىز.
قازاعا ۇشىراعان ازاماتتاردىڭ جاقىندارى بۇگىن سوت ساراپتامالىق ورتالىعىنان ءۇش ءمايىتتى الىپ، الماتى وبلىسى كوكسۋ اۋدانىنا الىپ كەتتى.
ولاردىڭ ولىمىنە جامبىل وبلىسىنىڭ تۋماسى - تالعات جانە وڭالبايەۆ مۇرات ەسىمدى ادامدار كىنالى. ولار، اتالعان ءۇش ازاماتتى 18 - قىركۇيەك كۇنى كەشكە قاراي 16:00-17:00 ارالىعىندا ەكەۋىن باسىنان، بىرەۋىن كەۋدەسىنەن اتىپ ولتىرگەن.
بۇل تۋرالى سوت مەديتسينالىق ساراپتامالىق ورتالىعىنان مايىتتەردى العان ءۇش ادامنىڭ تۋىسقاندارى وزدەرى كورگەن، ەستىپ بىلگەن جايتتاردى بايانداپ بەردى.
سونداي- اق، اتالمىش قىلمىستىق وقيعاعا بۇرىنعى پوليتسيا قىزمەتكەرىنىڭ قاتىسى بار بولۋى مۇمكىن دەگەن مالىمەتتەرمەن ءبولىستى قايتىس بولعان جىگىتتەردىڭ تۋعان- تۋىستارى. ازىرگە، بۇل جايىندا ىشكى ىستەر ورگاندارى رەسمي تۇسىنىكتەمە بەرگەن جوق.
مارقۇمداردىڭ جانازاسى ەرتەڭ الماتى وبلىسىنىڭ كوكسۋ اۋدانىندا وتەدى.
