بايان ەسەنتايەۆا: مەنىڭ دەنساۋلىعىما ءالى دە كۇتىم كەرەك

الماتى. قازاقپارات - پروديۋسەر بايان ەسەنتايەۆا ەم قابىلداۋ ءۇشىن ءۇندىستانعا باردى.

بۇل تۋرالى ول ينستاگرام الەۋمەتتىك جەلىسىندەگى پاراقشاسىندا حابارلادى.

«دارىگەردەن دارىگەر قويماي قارالىپ ءجۇرمىن، بۇگىنگى مەنىڭ جاعدايىم وسى. قازىر ءۇندىستان استاناسىندامىز. دەنساۋلىعىما ءالى دە كۇتىم كەرەك. دەليدە تولىق تەكسەرىلۋدەن وتەم دەپ شەشتىم. نەگە؟ 3,5 جارىم ساعات تىكەلەي رەيسپەن ۇشىپ كەلدىم، بارلىعىن قوسقاندا check-up 550 $. سالىستىرمالى تۇردە ايتقاندا بىلتىر، كورەيادا 5 ەسە ارتىق تولەگەنمىن. دارىگەرلەر - ا ق ش پەن بريتانيادا ءبىلىم الىپ، جۇمىس ىستەگەن بىلىكتى ماماندار»، دەپ جازدى ول ءوز پاراقشاسىندا.

بايان ەسەنتايەۆا پاراقشاسىندا ديزاينەر ايدا كاۋمەنوۆامەن بىرگە زەرتتەۋ ينستيتۋتىندا تۇسكەن سۋرەتىن جاريالادى.

ەسكە سالا كەتەيىك، بايان ەسەنتايەۆانى 10 -ماۋسىمدا كۇيەۋى باحىتبەك ەسەنتايەۆ سوققىعا جىققان بولاتىن.