يسلام الەمىندە دەموكراتيا بولمايدى دەۋ قاتە پىكىر - ەرلان ىدىرىسوۆ
«مۇسىلمان ۋمماسى ءوزىنىڭ عىلىمي- تەحنيكالىق، يننوۆاتسيالىق جانە اقپاراتتىق دامۋىندا باتىس الەمىنەن ايتارلىقتاي ارتتا قالعانى قۇپيا ەمەس. ال ءدال وسى جايت مەملەكەت پەن حالىقتىڭ تۇراقتىلىعىنىڭ، ءوسىمى مەن ءال- اۋقاتىنىڭ كەپىلى سانالادى»، - دەپ اتاپ ءوتتى مينيستر.
وسى رەتتە ە. ىدىرىسوۆ ءبىر زاماندا مۇسىلمان الەمى ادامزات بالاسىنا ءال- فارابي، ءابۋ ءالي ينن سينا، ءال- حورەزمي سىندى ۇلى عالىمدار مەن اعارتۋشىلاردىڭ تۇتاس شوعىرىن سىيعا تارتقانىن ەسكە سالىپ ءوتتى.
«ءبىز يسلام مەن دەموكراتيا قابىلەتسىزدىگى، ەكونوميكالىق تابىس پەن زياتكەرلىك دامۋ اراسىندا تەڭدىك بەلگىسىن قوياتىنداردىكى دۇرىس ەمەس دەپ ەسەپتەيمىز. ءبىز مۇنىمەن تۇبەگەيلى كەلىسپەيمىز. سوندىقتان قازاقستان جاڭعىرتۋ مەن رەفورما ۇدەرىسىنە بەلسەندى ۇلەس قوسۋعا ۇمتىلادى»، - دەدى ە. ىدىرىسوۆ.
سونىمەن قاتار ول بۇگىنگى كۇنى يسلام الەمى زاماناۋي سىن- قاتەرلەردىڭ وشاعىندا قالىپ وتىرعاندىعىن باسا ايتتى. «ونىڭ سەبەبى از ەمەس جانە ونىڭ باسىم بولىگى سول ۋممانىڭ ءوز ىشىندە جاتىر. بۇل نەگىزىنەن ءتيىمسىز مەملەكەتتىك باسقارۋعا، ساياسي جۇيەنىڭ جەتىلدىرىلمەۋىنە، ادامي دامۋ يندەكستەرى كورسەتكىشتەرىنىڭ تومەندىگىنە، ينۆەستيتسيا جەتىسپەۋشىلىگىنە، حالىقتى الەۋمەتتىك قورعاۋ سالاسىنىڭ دامىماعاندىعىنا، ءبىلىم مەن مەديتسيناعا قولجەتىمدىلىكتىڭ تومەندىگىنە جانە باسقا دا جايتتارعا بايلانىستى»، - دەدى مينيستر.
اۆتور: مارلان جيەمباي
