13:27, 26 - قىركۇيەك 2016 | GMT +5
اۋەجايداعى قوقىس جاشىگىنەن ءۇش كەلى التىن تابىلدى
استانا. قازاقپارات - بانگلادەش كەدەن قىزمەتىنىڭ قىزمەتكەرلەرى داككا قالاسى حازرات شاحدجالال حالىقارالىق اۋەجايىندا قوقىس جاشىگىنەن ءۇش كەلى التىن تاپتى، دەپ حابارلادى ر ي ا نوۆوستي.
التىننىڭ نارىقتىق قۇنى 190 مىڭ دوللارعا باعالانۋدا.
كەدەنشىلەر اۋەجايعا كەلگەن ىقتيمال كونترابانداشىلار تۋرالى اقپارات الدى. ىزدەۋ وپەراتسياسى بارىسىندا يمميگراتسيالىق ايماقتاعى جاشىكتەن ون التىن قۇيماسىن تاپتى.
«كونترابانداشىلار ءبىزدىڭ وفيسەرلەردىڭ ەرەكشە بەلسەندىلىگىن كورىپ، التىننان قۇتىلۋعا اسىققان بولۋى مۇمكىن»، - دەگەن كەدەن قىزمەتىنىڭ وكىلى موينۋل حاننىڭ ءسوزىن كەلتىرەدى Daily Star باسىلىمى.
