الماتىدا اياق كيىم شىعاراتىن ءوندىرىس وشاعى ىسكە قوسىلدى
«اعىمداعى جىلى يندۋستريالاندىرۋ كارتاسىنىڭ ەكىنشى بەسجىلدىعى اياسىندا مەدەۋ اۋدانىندا قۇنى 80 ميلليون تەڭگەنى قۇرايتىن اياق كيىم شىعاراتىن كاسىپورىن جاڭعىرتىلىپ، ىسكە قوسىلدى. كاسىپورىن ەلىمىزدىڭ ارنايى كۇش- قۋات قۇرىلىمدارى ق ر قورعانىس مينيسترلىگى، ق ر ۇ ق ك شەكارا قىزمەتى، ق ر ۇلتتىق گۆاردياسى ءۇشىن جانە مۇناي مەن تاۋ- كەن ءوندىرۋ سالاسى ماماندارى ءۇشىن ارنايى ماقساتتاعى اياق كيىمدەردى شىعارادى ءارى ساتادى»، - دەلىنگەن حابارلامادا.
فابريكانى جاڭعىرتۋ ونىڭ وندىرىستىك قۋاتىن جىلىنا 350 مىڭنان 700 مىڭعا دەيىن ارتتىرۋعا مۇمكىندىك بەردى. ونداعى قازاقستاندىق قامتۋ ۇلەسى 95 پايىزدان استى. كاسىپورىندا 230 ادام جۇمىس ىستەيدى، ونىڭ ىشىندە 30 جۇمىس ورنى جاڭا ءوندىرىس جەلىسىن قوسۋدىڭ ارقاسىندا قۇرىلدى.
Instagram پايدالانۋشىلارىنىڭ كوپشىلىگى قازاقستاندىق اياق كيىمنىڭ باعاسىنا قىزىعۋشىلىق تانىتقان.
جالپى، الەۋمەتتىك جەلىنى پايدالانۋشىلار جاڭا ءوندىرىس وشاعىنا قولداۋ ءبىلدىرىپ، الداعى ۋاقىتتا كاسىپورىن حالىقتىڭ بارلىق ساناتى ءۇشىن اياق كيىمدەر شىعاراتىندىعىنا سەنىم ارتقان.
