بىرىككەن ۇلتتار ۇيىمى جاھاندىق قارجىلىق داعدارىستىڭ ءۇشىنشى تولقىنى تۋرالى ەسكەرتتى
بىرىككەن ۇلتتار ۇيىمىنىڭ بايانداماسىندا «2016 -جىلى دا الەمدىك ەكونوميكا سولقىلداق كۇيى قالىپ وتىر» دەگەن بايلام جاسالعان.
ۇيىمنىڭ مالىمەتى بويىنشا، ۇستىمىزدەگى جىلى جاھاندىق ەكونوميكا ءوسىمى 2012 -جىلدان بەرى العاش رەت 2,3 پايىزعا تومەندەيدى. 2014-2015 -جىلدارى كورسەتكىش 2,5 پايىزدى قۇراعان ەدى. ۇيىم قۇلدىراۋدىڭ ءبىر سەبەبى رەتىندە: دامۋشى نارىقتاردان شەتەلدىك كاپيتالدىڭ كەتۋىن كورسەتەدى. بيىلعى جىلدىڭ ءبىرىنشى توقسانىنىڭ وزىندە شەتەلدىك ينۆەستورلار 185 ميلليارد دوللارىن قايتارىپ العان. بىرىككەن ۇلتتار ۇيىمىنىڭ ساۋدا جانە دامۋ جونىندەگى كونفەرەنسياسى، رەسەي، برازيليا، وڭتۇستىك افريكا سىندى ءىرى دامۋشى ەكونوميكالار دەفلياتسياعا ۇشىراۋى مۇمكىن، دەپ ەسكەرتەدى. ۇيىمنىڭ ەسەبى بويىنشا رەسەي ەكونوميكاسى ۇستىمىزدەگى جىلى 0,3 پايىزعا قىسقارادى.
ASTANATV. KZ
