جولاۋشىلار تار كورەتىن «تۇلپار- تالگو» ۆاگوندارى كەڭەيتىلىپ شىعارىلاتىن بولدى
قازىر «تالگو» پويىزىنىڭ جاڭا قۇرامى سىناقتان وتۋدە. استانا مەن الماتىنىڭ اراسى جاقىن جەر ەمەس، ءبىراق ساعاتىنا 200 شاقىرىم جىلدامدىقپەن 6 جارىم ساعاتتا جەتۋگە بولادى. مىنا «تۇلپار تالگونى» ماماندار سىناپ كورۋدە. ونىڭ جوباسى يسپانيادا 4 جىل جاسالىپ، قازاقستاندا قۇراستىرىلدى. مۇنداي جۇيرىك پويىزدار كورشى ەلدەر ءۇشىن ازىرگە ارمان عانا.
گريگوري گوريۋنوۆ، «بۇكىل رەسەيلىك تەمىر جول عىلىمي- زەرتتەۋ ينستيتۋتى» اۆتوتەجەگىش جۇيە بولىمشەسى زەرتحاناسىنىڭ مەڭگەرۋشىسى:
- جولاۋشى رەتىندە ايتايىن، بۇل پويىز ماعان جايلىلىعىمەن ۇنادى. ءبىزدىڭ ارامىزدا بويى 2 مەترگە جۋىق ادام بار، ءتىپتى وعان دا كەرەۋەت ىڭعايلى ەكەن. جولاۋشىلارعا دا ۇنايدى دەپ ويلايمىن. جوعارى جىلدامدىقپەن كەلە جاتىپ توقتاۋ ءۇشىن ۆاگون قۇرامىنىڭ بۇعاتى سۋ جىبەرەتىن جۇيەمەن قامتىلعان، پويىز دوڭعالاقتارىنان وت شىقپاۋىنا جاۋاپ بەرەدى. جوبا اۆتورلارى «تالگونىڭ» ءىشىن كەڭەيتىپ، بيىگىرەك ەتۋگە ۇمتىلعانى كورىنىپ تۇر. ۆاگوندار سۋ جاڭا، قابىرعالارىندا قورعانىش پوليەتيلەنى دە الىنباعان. بۇل پويىزدا ءتىپتى ەكى بولمەلى وتباسىلىق كۋپە دە بار. جولسەرىكتەردى شاقىراتىن ارنايى تەتىك تە ورناتىلىپتى. جولاۋشىلارعا ىڭعايلى بولۋى ءۇشىن كرەسلولار دا قويىلعان.
ەربول سۇلەيمەنوۆ، پويىز قۇرامىن ىسكە قوسۋ شەبەرى:
- بۇل ۆاگونداردا باگاجنىي مەن وتىراتىن ۆاگون قوسىلدى. كوريدور دا 10 سانتيمەترگە ۇلعايدى. جاتاتىن ورىن جولاۋشىلارعا ىڭعايلى بولسىن دەپ 7 س م- گە قوسىلدى. كابينادا تاماق ىشۋگە ورىندار جاسالدى، ستولدار جاسالدى. تۋريستىك ۆاگونداردا كونديتسيونەردى (سالقىنداتقىش) اۆتوماتتى تۇردە قولمەن قوسۋعا بولادى. ال ليۋكس ۆاگوندا ءار جولاۋشى وزىنە قاي تەمپەراتۋرانى قويعىسى كەلەدى، سونى قويا الادى. جىل سوڭىنا دەيىن جەتىلدىرىلگەن جاڭا 149 ۆاگون پايدالانىلۋعا بەرىلمەك. استانا- الماتى جانە الماتى- شىمكەنت باعىتتارىندا جاڭا پويىزدار جولعا شىعادى.
www.24.kz
