شىعىس قازاقستاندىق ومارتاشىلار بال جيناۋ ماۋسىمىن اياقتاپ قالدى
زىريانوۆسك اۋدانى قازىر قۇرال- جابدىقتاردى جاڭارتۋ جۇمىستارىنا كىرىسىپ كەتتى. كريكۋنەنكولار وتباسى ارا ءوسىرۋ ىسىمەن ۇزاق جىلدان بەرى اينالىسىپ كەلەدى.
سوندىقتان ماكسيم دا اتا- باباسىنان قالعان كاسىپتى جالعاستىرۋدى ءجون ساناعان. ول بۇعان دەيىن 13 جىل بويى كۋرچاتوۆتاعى ۇلتتىق يادرولىق ورتالىقتا ينجەنەر بولىپ جۇمىس ىستەگەن. قازىر اعاسى ەكەۋىندە 4 بىردەي ومارتاسى بار. شارۋاشىلىققا اسىل تۇقىمدى ومارتا دەگەن مارتەبە بەرىلگەن. بۇل جەتىستىككە جەتۋدىڭ بىرنەشە جولى بار كورىنەدى. ونى بىزگە شارۋانىڭ ءوزى ايتىپ بەردى.
ماكسيم كريكۋنەنكو، ومارتاشى:
- ارالاردىڭ دا ءوز وتباسى بولادى. بىرىنشىدەن، وسى وتباسى وتە مىقتى ءارى ەڭبەكقور بولۋى ءتيىس. ەكىنشىدەن، وسىمدىكتەردەن تابيعي شىرىن، ياعني ءشاربات مول ءبولىنۋى كەرەك. سوندا بال دا مول بولادى. سونداي- اق ارالاردىڭ ۇشىپ- قونۋى ءۇشىن اۋا رايى قولايلى بولۋى دا اسەر ەتەدى. وكىنىشكە قاراي، بيىلعى اۋا رايى ارا وسىرۋشىلەردىڭ ىسىنە كەرى اسەرىن تيگىزگەن. كوكتەم كەش شىعىپ، جازعى كۇن رايى جاڭبىرلى ءارى سالقىن بولدى. سونىڭ سالدارىنان بالدىڭ ءتۇسىمى 20 پايىزعا تومەندەگەن. ەندى ونىڭ ساپاسىن كوتەرۋىمىز قاجەت دەيدى ومارتاشى يۆان كريكۋنەنكو. سوندىقتان ولار ءونىمدى وزدەرى جيناپ، تازارتىپ جاتىر. جاقىندا قۇرال- جابدىقتاردىڭ ءبىر بولىگىن جاڭارتپاق. بۇل كاسىپتى دامىتۋعا مەملەكەت تاراپىنان قولداۋ كورسەتىلۋدە. سۋبسيديا تولەنىپ، جەڭىلدەتىلگەن نەسيە بەرۋ جاعى دا قاراستىرىلعان.
يۆان كريكۋنەنكو، ومارتاشى:
- بيزنەستىڭ جول كارتاسى بويىنشا 6,5 پايىزدىق جەڭىلدىكپەن 6 ميلليون تەڭگە نەسيە الدىق. قازىر كاسىبىمىزدى دامىتۋ ءۇشىن اۆتوكولىك ساتىپ الدىق. سونىمەن قاتار بالاۋىز بەن قاجەتتى ءدارى- دارمەكتەر دە الىندى.
قازىر اعايىندى كاسىپكەرلەر جاڭا قويما سالىپ قويدى. ولار بال ءونىمى ارتاتىنىنا سەنىمدى. ماماندار دا ارا ءوسىرۋ ءىسىنىڭ كەلەشەگى زور ەكەندىگىن ايتۋدا. ونىڭ ۇستىنە قازاقستاننىڭ التاي ولكەسىندە بۇل ءىستى دامىتىپ، ەلدەگى ەڭ ساپالى ءارى ەڭ تازا بال الۋعا تولىقتاي مۇمكىندىك بار.
www.24.kz
