10:51, 25 - قىركۇيەك 2016 | GMT +5
التى جاسار الەكس وبامادان سيريا بالالارىنا قامقور بولۋىن ءوتىندى
استانا. قازاقپارات - جەلىدە التى جاستاعى امەريكالىق الەكس ا ق ش پرەزيدەنتى باراك وباماعا الەپپونى بومبىلاعان كەزدە زارداپ شەككەن بالانى ۇيىنە اكەلۋىن وتىنگەن حاتتى وقىعان ۆيدەو كەڭىنەن تاراپ كەتتى.
ونى كورۋشىلەر سانى ارتۋدا.
بۇل تۋرالى اق ءۇيدىڭ رەسمي سايتى حابارلادى، دەپ جازدى MIGnews.com.ua.
الەكس جەدەل جاردەم كولىگىندەگى ومران داكنيشتىڭ سۋرەتىن كورىپ، حات جىبەرگەن.
«قۇرمەتتى پرەزيدەنت وباما، سيريادا جەدەل جاردەم الىپ كەتكەن بالا ەسىڭىزدە مە؟ وتىنەم، ونى ول جەردەن الىپ كەتىپ، بىزگە ۇيگە الىپ كەلىڭىزشى. ونى تۋمەن، گۇلمەن، شارمەن قارسى الامىز. ونى وتباسىمىزعا قابىلدايمىز، ءبىزدىڭ ءىنىمىز بولادى»، - دەلىنگەن حاتتا.
ءوز كەزەگىندە ا ق ش پرەزيدەنتى ب ۇ ۇ بوسقىندار داعدارىسىنا قاتىستى سامميت بارىسىندا بالانىڭ ءسوزىن كەلتىردى، ارتىنشا وسى ۆيدەو جازىلدى.
