جامبىلدىق كوللەدج ستۋدەنتتەرىنە كەلەشەك جۇمىس ورىندارى كورسەتىلدى

تاراز. قازاقپارات - قىركۇيەكتىڭ سوڭعى جەكسەنبىسىندە قازاقستاندا ەڭبەك كۇنى اتاپ وتىلەدى.

مەرەكە قارساڭىندا جامبىل وبلىسىندا جاستاردى ەڭبەككە، اسىرەسە جۇمىسشى ماماندىقتارىنىڭ كاسىبي ەڭبەكتەرىنە قۇرمەتپەۋ قاراۋعا ۇيرەتۋگە باعىتتالعان ءىس- شارالار وتۋدە. ءوڭىردىڭ كاسىپكەرلىك پالاتاسى «جاستاردى ەڭبەكپەن قامتۋ» ونكۇندىگىن ۇيىمداستىرىپ، ونىڭ شەڭبەرىندە كوللەدج ستۋدەنتتەرى ءۇشىن كاسىپورىندارعا ەكسكۋرسيالار جاسالدى.

 «بيىل 5 كوللەدج ستۋدەنتتەرى ءۇشىن ەكسكۋرسيالار ۇيىمداستىرىلدى. 2015 -جىلى 800 قاتىسۋشىنى قامتي وتىرىپ، 32 كاسىپورىندا بولدىق»، - دەپ اتاپ ءوتتى جامبىل وبلىسى بويىنشا كاسىپكەرلىك پالاتاسىنىڭ وكىلى باعيلا ابدۋلدايەۆا.

 ماسەلەن، جامبىلدىق جاستار «ايۆەنگو» تىگىن فيرماسىندا، «Rola-7» ماكارون ءوندىرۋ كاسىپورنىندا، «جامبىلنەدر» ج ش س- دا، «مينەرالدى تىڭايتقىشتار زاۋىتىندا»، «ەۋروحيم- قاراتاۋ» ج ش س- دا بولىپ قايتتى.